މައުލޫމާތު ލިބިފައިވާ ގޮތުގައި ވިއަވަތި ކޮންފަރެންސް ބާއްވާނީ ކައުންސިލްތަކާއި އަންހެނުންގެ ކޮމިޓީތަކުގެ އިސްވެރިންގެ އިތުރުން މިނިސްޓަރުންނާއި ސަރުކާރު އިސްވެރިންނާއި ޓެކްނިކަލް މުވައްޒަފުން ހިމެނޭހެން 250 އަށްވުރެ ގިނަ ބައިވެރިންނާއެކުއެވެ. މި ފަހަރުގެ ކޮންފަރެންސްގައި ބައިވެރިވާނީ ދެކުނުގެ 7 އަތޮޅުންނެވެ. އެއީ ދ، ރ، ލ، ގއ، ގދގެ އިތުރުން ފުވައްމުލައް ސިޓީއާއި އައްޑޫ ސިޓީ އެވެ.
އެންމެ ފަހުން ބޭއްވި ވިއަވަތި ކޮންފަރެންސް ނިންމުގެ ރަސްމިއްޔާތުގައި ރައީސުލް ޖުމްހޫރިއްޔާ އިބްރާހީމް މުހައްމަދު ސާލިހު ދެއްކެވި ވާހަކަފުޅުގައި ލަމަރުކަޒީ ގާނޫނުން ރައްޔިތުންނަށް މުހިއްމު ބާރުތަކެއް ދޫކޮށްލެވުނުކަން ފާހަގަ ކުރެއްވިއެވެ.
މި ފަހަރުގެ ކޮންފަރެންސްގެ އެޖެންޑާގައި ހިމެނޭ މައިގަނޑު ހަތަރު ދާއިރާއަކީ ކައުންސިލްތައް މާލީ ގޮތުން ބާރުވެރިކުރުވުން، ބިނާވެށި ޕްލޭން އެކުލަވާލުން، މިންތީގެ ހަމަހަމަކަން އަދި ވިލުންވެރި މުޖްތަމައުއެއް ބިނާކުރުމެވެ. ކޮންފަރެންސްގެ ހަވާސާގައި ކުޅުވަރު ފެސްޓިވަލެއްވެސް އޮންނާނެއެވެ.
ވިއަވަތި ކޮންފަރެންސް އެންމެ ފަހުން ބާއްވާފައިވަނީ މިދިޔަ މެއި މަހު އއ. އުކުޅަހުގައެވެ.