މިއަދު އޮތް ގައުމީ ތަރައްގީއާއި ތަރިކައިގެ ކޮމެޓީއަށް މިނިސްޓަރު ނަހުލާ ހާޒިރުވާން އަންގާފައި އޮތީ ޓްރާންސްޕޯޓް މިނިސްޓްރީގެ އަހަރީ ރިޕޯޓާއި ބެހޭގޮތުން މަޖިލީހުން ހޯދަން ބޭނުންވާ މައުލޫމާތުތަކެއް ހޯދުމަށެވެ.
އެބައްދަލުވުމުގައި އޮޑިޓަޖެނަރަލް އޮފީހުގެ ފަރާތުންވެސް ބޭފުޅުން ބައިވެރިވާނެ ކަމަށް ކޮމިޓީގެ މުގައްރިރު އަދި ބާރަށު ދާއިރާގެ މަޖިލިސް މެމްބަރު، އަހްމަދު އަބްދުﷲ މިއަދު އެމަޖިލިސް ފަށަމުން ވިދާޅުވި އެވެ.
މިއަދު އެގާރަޖެހިއިރު އޮތް އެ ކޮމިޓީ ބައްދަލުވުމަަށް ހާޒިރުވުމަށް މިނިސްޓަރު ނަހްލާއަށް އަންގާފައި އޮތީ 11:15 އަށް ކަމަށް ވެއެވެ.
ނަމަވެސް ލައިވްކުރަމުންދިޔަ އެ ކޮމެޓީއަށް ހާޒިރުވެތިބި ބޭފުޅުން ވެއްދުމަށް އިއުލާންކުރުމަށްފަހު، މެދުކަނޑާލި ކޮމެޓީ ބައްދަލުވުން ދެން ފެށުނީ، އޭގެ ހަތް މިނެޓުފަހުންނެވެ.
އަލުން ފެށުމަށްފަހު މުގައްރިރު ވަނީ ކޮމެޓީ ނިންމާލިކަން އިއުލާންކޮށްފައެވެ.
މިކަމާއި ގުޅޭގޮތުން ޓްރާންސްޕޯޓު މިނިސްޓްރީގެ ބަހެއް ހޯދުމަށް ކުރި މަސައްކަތުން ފޯނަށް ޖަވާބު ނުދެއްވާތީ ވަނީ ލިބޭގޮތް ނުވެފައެވެ.
އެނގިފައިވާގޮތުގައި މިއަދު މިނިސްޓަރު މަޖިލީހަށް ވަޑައިގަތީ ގަޑިޖެހުނު ފަހުންނެވެ.
