އިންތިގާލީ އިންސާފުގެ އޮފީހުގެ އޮމްބަޑްސްޕާސަން ކަމުގެ އައްޔަން ކުރެވުނު މުސްތަފާއަކީ އިންތިގާލީ އިންސާފުގެ އޮފީސް އުފެދުނީއްސުރެ އެ އޮފީހުގެ އިންވެސްޓިގޭޓަރުގެ މަގާމު އަދާކުރައްވަމުން ގެންދެވި ބޭފުޅެކެވެ. ޕޮލިސީގެ ދާއިރާއިން މިހާރު މާސްޓާސްއަށް ކިޔަވާ ވިދާޅުވަމުންދާ މުސްތަފާއަކީ ދިވެހިރާއްޖޭގެ އިސްލާމީ ޔުނިވަރސިޓީއިން ޝަރީޢާ އެންޑް ލޯގެ ދާއިރާއިން ބެޗެލަރސް ސަނަދު ހާސިލު ކުރައްވާފައިވާ ބޭފުޅެކެވެ. މީގެ އިތުރުން، ކުޑަކުދިންގެ އަދުލުގެ ނިޒާމުގެ ދާއިރާއިން މުސްތަފާވަނީ ތައުލީމް ހާސިލް ކުރައްވާފައެވެ.
އޮމްބަޑްސްޕާސަންގެ މަގާމު ހުސްވީ އެ މަގާމުގައި ހުންނެވި މަރިޔަމް ލައިޒާ އިސްތިއުފާ ދެއްވުމުންނެވެ. ލައިޒާ އިސްތިއުފާ ދެއްވީ މި މަހުގެ ކުރީކޮޅުއެވެ.
މުސްތަފާއާ އެކު މިހާރު އެ އޮފީހުގެ އޮބްޕަޑްސްޕާސަނުންގެ ގޮތުގައި ތިއްބަވާނީ ޗީފް އޮމްބަޑްސްޕާސަން އަބްދުއްސަލާމް އާރިފްގެ އިތުރުން ކުރީގެ އެސިސްޓަންޓް ޕްރޮސެކިއުޓާ ޖެނެރަލް ޖިހާދާ އަނީސް އެވެ.
