ގަން އެއަޕޯޓު——ފޮޓޯ: ސީއެންއެމް
ބޮމެއް އޮތް ކަމަށް ބުނެެގެން ހައްޔަރުކުރި ދެމަފިރިން ދޫކޮށްލައިފި
ފާތިމަތު އަހްމަދު ޝަރީފް
23 ސެޕްޓެމްބަރ 2022 - 16:00:57
ބޮމެއް އޮތްކަމަށް ބުނެގެން އިއްޔެ ގަން އިންޓަނޭޝަނަލް އެއާޕޯޓުން ހައްޔަރުކުރި އުމުރުން ދުވަސްވީ ދެމަފިރިން ދޫކޮށްލައިފި އެވެ.
Advertisement
މިމައްސަލާގައި އިއްޔެ ހައްޔަރުކުރީ އުމުރުން 58 އަހަރުގެ ދިވެހި އަންހެނަކާއި، 61 އަހަރުގެ ދިވެހި ފިރިހެނެކެވެ. އެއީ ދެމަފިރިން ނެވެ.
މައުލޫމާތު ލިބޭގޮތުގައި އެހެން ބުނީ، އަންހެން މީހާއެވެ. އެގޮތުން އެމީހުން ގެންދިޔަ ފޮއްޓެއް އެއާޕޯޓުން ޗެކް ކުރަން ފެށުމުން "ތީގައި އޮތީ ބޮމެއް" ކަމަށް އަންހެން މީހާ ބުނީ، މަޖަލަކަށް ކަމަށް ވެއެވެ.
އެކަމުގެ ރިޕޯޓު ވަގުތުން އެމްއެންޑީއެފްއަށް ލިބިފައިވާއިރު، އެމްއެންޑީއެފުން އެސަރަހައްދަށް ގޮސް އެދެމަފިރިން ގެންގުޅުނު ތަކެތި ބަލާފައިވެއެވެ. އެފަދަ އެއްވެސް އެއްޗެއް ފެނިފައިނު ވެެއެވެ. ނަމަވެސް، އެދެމަފިރިން އެތަނުން ފުލުހުންގެ ބެލުމުގެ ދަށަށް ގެންދިޔައެވެ.
ފުލުހުން މިއަދު ”ސީއެންްއެމް“އަށް ބުނީ އެމީހުން ދޫކޮށްލިޔަސް މައްސަލަ ތަހުގީގުކުރަމުންދާ ކަމަށެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
