އެންގޭޖެޓްގެ ޑެޕިއުޓީ އެޑިޓަރު ޗެރްލިން ލޯ ހިމެނޭ ގޮތަށް ގިނަ ބަޔަކު ވަނީ، އެ އައިކޯން އަށް އެޕަލް އަށް އެއަށްވުރެ ރަނގަޅު ބަދަލުތަކެއް ގެނެވުނީސް ކަމަށެވެ.
މިހާރު ބޭނުންކުރާ ވާޝަންގައި، އައިފޯނުގެ ބެޓެރީ 20 އިންސައްތައަށް ވުރެ ދަށްވުމުން ނޫނީ އިންސައްތަ ދަށްވުމުން ނޫނީ އައިކޯންއަށް އެއްވެސް ބަދަލެެއް ނާދެެއެވެ. 20 އިންސައްތައަށް ދަށްވަންދެން ޑިސްޕްލޭއިން ފެންނަން އިންނަނީ ހަމައެކަނި ބެޓެރީގެ އިންސައްތަ އެވެ.
އެހެންވުމުން ގިނަ ހާލަތްތަކުގައި ބާކީ ހުރި ބެޓެރީގެ މިންވަރު ބަލަން ގާތުން ބަލަން ޖެހޭތީ އިންޑިކޭޓަރުގެ ބޭނުންތެރިކަން ކުޑަކޮށްދޭ ކަމަށް ބުނެ ގިނަ ބަޔަކު ވަނީ ޝަކުވާކޮށްފައެވެ.
މި ޝަކުވާތަކާއިއެކު މިދިޔަ ބުދަ ދުވަހު، އެޕަލްއިން ވަނީ އައިއޯއެސް 16.1 ބީޓަ(އިމްޕްރޫވުޑް ވާޝަން) އެއް ރިލީޒް ކޮށް، އެ ޝަކުވާތަކަށް ހައްލެއް ހޯދައިދީފައެވެ.
އެގޮތުން މި އަޕްޑޭޓްގައި ބެޓެރީ އިންސައްތަ އިންޑިކޭޓަރަށް ޓްވީކެއް ތައާރަފްކޮށްފައިވެ އެވެ. މިހާރު އައިފޯނުގެ ބެޓެރީ 20 އިންސައްތައަށް ވުރެ ދަށަށް ދިއުމުން އެކަނި އައިކޮން ރަތް ވެގެން ދިއުމުގެ ބަދަލުގައި ބެޓެރީ ބެޓްރީގެ އިންސައްތަ ހުރިވަރާއިއެކު ކުލައިން ބެޓްރީގެ އިންސައްތަ އިންޑިކޭޓުކޮށްދެމުން ދާނެ އެވެ. އެއީ ކުޑަ ބަދަލެއް ނަމަވެސް ޔޫޒަބިލިޓީ ރަނގަޅުކޮށްދޭ ބަދަލެކެވެ.
މީގެ އިތުރުން ބީޓާ ޓޫގައި ލޮކް ސްކްރީނުގައިވެސް ޓްވީކު ވަނީ ހިމަނާފަ އެވެ. އޭގެ ސަބަބުން ފޯނު ޗާޖު ކުރުމަށް ޕްލަގް ކުރާއިރު، ފޯންގެ ޑިސްޕްލޭއިން ފެންނަ ގަޑީގެ މަތީން ބޮޑުކޮށް ބެޓެރީ އިންސައްތައިގެ އިންޑިކޭޓަރެއް ކުޑަވަގުތުކޮޅަކަށް ފެންނާނެ އެވެ.
