ގައުމީ ދުވަހުގެ ހާއްސަ ޖަލްސާގައި އުތީމުގައި ހުންނަވައިގެން ދެއްކެވި ވާހަކަފުޅުގައި އެމަނިކުފާނު ވިދާޅުވީ، ދުނިޔޭގެ އޮއިވަރު މިހާރު ވަރަށް ބޮޑަށް ބަދަލުވަމުން އަންނަ ކަމަށާއި، އެކަމަށް ވިސްނަން ޖެހޭ ކަމަށެވެ. އަދި ދިވެހިން ގައުމުތަކާ އެކު އޮންނަ ގުޅުން އިތުރސޑް ބަދަހިކޮށް، ބައިނަލް އަގުވާމީ ދުނިޔެއާ އެއްސަފުގާ ރާއްޖެ ފައިހަމަ ކުރަންޖެހޭ ކަމަށް އެމަނިކުފާނު ވިދާޅުވި އެވެ.
މީގެ އިތުރުން އެމަނިކުފާނު ވިދާޅުވީ، ޓެކްނޮލޮޖީގެ ޒަރިއްޔާ އިން ލިބޭ މަންފާއާ، އޭގެ އަނެއްކޮޅު ވެސް އެބައޮތް ކަމަށެވެ. އަދި މިހާރުގެ ކުދިން ބޮޑުވަމުން އަންނަ އިރު، އެކުދިން ބޮޑުވަމުން އަންނަނީ، މީގެ ކުރިން މީހުން ބޮޑުވިފަދަ ދުނިޔެއަކަށް ނޫން ކަމަށް އެމަނިކުފާޏު ވިދާޅުވި އެވެ.
ރައީސް ސޯލިހު އިތުރަށް ވިދާޅުވީ، ދަރިންގެ ތަރުބަވީ ހިޔާވައްސަކީ މަދުރަސާ ކަމަށާއި ނަމަވެސް، ގައުމަށްޓަކާ ރައްޔިތަކަށް ކުރެވޭނެ އެންމެ ހެޔޮކަމަކީ، ރަނގަޅު ދަރިއެއް ތަރުބިއްޔަތުކޮށް ނެރުން ކަމަށެވެ. އަދި މާތްވެގެންވާ އިސްލާމް ދީނުގެ، މަތިވެރި އަގީދާގެ ނަމޫނާ، އެކުދިންނާ ގާތުން ފެނުން ކަމަށާއި، މިންތީގެ ހަމަހަމަކަމާ، ގެވެށި އިންސާފު އެކުދިންނަށް ދަސްވެ، މޫސުމާއި ތިމާވެއްޓަށް އަންނަ ބަދަލާ، ގޮންޖެހުން ތަކުން އަރައިގަނެވޭނެ ގޮތްތަކާ މެދު، ވިސްނާ
އެގޮތަށް އަމަލު ކުރުން ކަމަށް ރައީސް ވިދާޅުވި އެވެ.
މިއަދުގެ ޖަލްސާގައި ސަލާމަތީ ހިދުމަތްތަކުގެ އޮފިސަރުންނާއި މުހާތަބު ކުރައްވާ ރައީސް ވިދާޅުވީ، ގައުމީ ދުވަހުގެ އުފަލަކީ ހުރިހާ ދިވެހިންގެ އުފަލެއް އަދި ފަހުރެއް ކަމަށާއި، އެހެންނަމަވެސް ގައުމީ ދުވަސް ޒީނަތްވެ، ޝަރަފްވެރިވެ ތަކުރާރުވާ ސަބަބަކީ ސަލާމަތީ ހިދުމަތްތަކުގެ ބޭފުޅުންގެ ސަބަބުން ކަމަށެވެ.
