ރައީސް ޔާމީން މިފަދައިން ވިދާޅުވެފައި މިވަނީ، އެމަނިކުފާނު މިހާރު ދ. ކުޑަހުވަދޫއަށް ކުރައްވަމުން ގެންދަވާ ދަތުރުފުޅުގެ ތެރެއިން ރޭ އެރަށުގައި ބޭއްވި ހާއްސަ ޖަލްސާގައި ވާހަކަފުޅު ދައްކަވަމުންނެވެ.
އެމަނިކުފާނުގެ ވާހަކަފުޅުގައި ސަރުކާރަށް ވަރަށް ބޮޑަށް ފާޑުވިދާޅުވަމުން ވިދާޅުވީ، އެމްޑީޕީ އަކީ އަބަދުވެސް ވެރިކަމަށް އައުމަށް ގިނަ ވައުދުތަކެއް ވަމުން އަންނަ ބައެއް ކަމަށާއި، އެހެން ނަމަވެސް ވާ ވައުދުތަކުގެ ތެރެއިން ގިނަ ވައުދުތަކެއް އެ ޕާޓީއިން ނުފުއްދާ ކަމަށެވެ.
އަދި މި ސަރުކާރުން ދަނީ އެމަނިކުފާނުގެ ސަރުކާރުގައި ފަށާފައި ހުރި މަޝްރޫއުތަކުގެ "ރިބަން ފަށް ކަނޑަމުން" ކަމަށްވެސް ރައީސް ޔާމީންގެ ވާހަކަފުޅުގައި ވަނީ ވިދާޅުވެފަ އެވެ.
ރައީސް ޔާމީންގެ ވާހަކަފުޅުގައި އިތުރަށް ވިދާޅުވީ، އެމަނިކުފާނުގެ ވެރިކަމުގައި، އާމްދަނީ ހޯދަމުން ދިޔައީ، ޒުވާނުންގެ އަތުން ޕާކިން ސްޓިކާ ޖަހައިގެން ލިބޭ ލާރިން ކަމަށް އަދުގެ ސަރުކާރުގެ ވެރިން އޭރު ވިދާޅުވި ކަމަށާއި، އެހެން ނަމަވެސް މި ސަރުކާރުން ޕާކު ކުރާނެ ތަނެއް ނުދައްކާ ޕާކިން ސްޓިކާ ނުޖަހާނެ ކަމަށް ބުނެ ވެރިކަމަށް އައިސް އެ ވީ ވައުދު މަތިން ވެސް ހަނދާން ނެތިފައި ވާކަމަށެވެ.
