އެ ބޯޓު ރާއްޖޭން ފުރުން މަނާކޮށްފައިވަނީ އާދިއްތަ ދުވަހު، ސިވިލް ކޯޓުން ނެރެފައިވާ އަމުރަކުންނެވެ. ސިވިލް ކޯޓުގެ ގާޒީ ފަރުހާދު ރަޝީދު ނެރުއްވި އަމުރުގައި، އެ އުޅަނދު ރާއްޖޭން ފުރައިގެން ދާން އުޅެފިނަމަ އެކަން ހުއްޓުވަން ކަމާބެހޭ އެންމެހާއި އިދާރާތަކުގެ މައްޗަށް އަމުރުކޮށްފައިވެއެވެ.
އަމުރު ރައްދުވާ އިދާރާތަކުގެ ގޮތުގައި އެ އަމުރުގައި އޮތީ ޓްރާންސްޕޯޓް މިނިސްޓްރީއާ، މޯލްޑިވްސް އިމިގްރޭޝަނާ، މޯލްޑިވްސް ޕޯޓްސް ލިމިޓެޑް އަދި އެމްއެންޑީއެފްއެވެ. އަމުރުކޮށްފައިވަނީ މި މައްސަލަ ވަކިގޮތަކަށް ނިމެންދެން ނުވަތަ ކޯޓުން ވަކި ގޮތެއް އަންގަން ދެން އަމުރުގެ މުއްދަތު އޮންނާނެ ކަމަށެވެ.
މައުލޫމާތު ލިބިފައިވާ ގޮތުގައި މި މައްސަލައަކީ އެ އުޅަނދަށް އެޅި ތެލަށްވާ 189000 ޑޮލަރުގެ ޕޭމަންޓާ ގުޅޭ މައްސަލައެކެވެ.
އޮޑިސީ ބޯޓުގެ ދިރާސާގައި އެ ބޯޓު ލ. އަތޮޅުގައި އޮތް އިރު ރައީސް އިބްރާހިމް މުހައްމަދު ސާލިހްވަނީ އެ ބޯޓަށް ވަޑައިގެންފައެވެ.