ރާއްޖޭގެ މޫސުމާ ބެހޭ ގައުމީ އިދާރާ (މެޓް) އިން މިއަދު ލަފާކޮށްފައިވާ މޫސުމަށް ބަލާއިރު، ދެކުނާއި، މެދުރާއްޖެތެރޭގެ ރާޅުގެ އުސްމިން ހަތަރު ފޫޓާއި ހަތް ފޫޓުގައި އުޅޭއިރު، އުތުރުގެ އަތޮޅުތަކަށް ރާޅުގެ އުސްމިން އުޅެނީ ދެ ފޫޓާއި ހަތަރު ފޫޓުގައެވެ.
މެޓުން ބުނީ ދެކުނާއި މެދުރާއްޖެތެރޭގެ އަތޮޅުތަކަށް ވިއްސާރަކުރުމާއިއެކު ގުގުރާނެ ކަމަށާއި، ބައެއް ރަށްތަކަށް ބޯކޮށް ވާރޭ ވެހުންވެސް އެކަށީގެންވާ ކަމަށެވެ. ނަމަވެސް އުތުރުގެ އަތޮޅުތަކަށް މޫސުން ރަނގަޅުވާނެ އެވެ.
ދެކުނުގެ ކަނޑުތައް ގަދަވެފައި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށްވެސް މެޓުން ވަނީ ލަފާކޮށްފައެވެ.
ދެކުނާއި މެދުރާއްޖެތެރެއަށް އުދައަރާނެކަމަށް ލަފާކޮށްފައިވާއިރު، ބޯކޮށް ވާރެވެހުމާއިއެކު ގުގުރުން އަދި 45 މޭލަށް ވައިގަދަވާނެ ކަމަށް ލަފާކޮށް ކ. އަތޮޅުން ފެށިގެން އައްޑޫ ސިޓީއަށް މިއަދުގެ 14:00 އާއި ހަމަޔަށް ވަނީ ވައިޓް އެލާޓުވެސް ނެރެފައެވެ.
