މި ފެސްޓިވަލްތެރޭ ފިތިގެންނާއި، ނޭވާ ހާސްވެ، ހާޓު އެޓޭކް ޖެހިގެން 150 އަށް ވުރެ ގިނަ މީހުން މަރުވެ، 100 ވުރެ ގިނަ މީހުން ޒަހަމުވެފައިވާ ކަން މިހާތަނަށް ކަށަވަރުކުރެވިފައިވާ ކަމަށް އެގައުމުގެ ކަމާއިބެހޭ ފަރާތްތަކުން ބުނެއެވެ. ނަމަވެސް މިއަދަދު އަދިވެސް އިތުރުވުމަކީ ވެދާނެ ކަމެއް ކަމަށް ރެސްކިއު އޮޕަރޭޝަނުން ބުނެއެވެ.
އެ ފެސްޓިވަލްއަށް ދިޔަ މީހުންގެ އަދަދު ގާތްގަނޑަކަށް 100،000 އަށް އަރާނެކަމަށް ލަފާކުރެވޭ ކަމަށް އެގައުމުގެ ކަމާއިބެހޭ އިދާރާތަކުން ބުނެެއެވެ.
ހެލޮވީން ފެސްޓިވަލްއަށް ލައްކައެއްހާ މީހުން ދިޔަކަމަށްވޭ
އިދާރާތަކުން ދަނީ މި ހާދިސާ ހިނގަން މެދުވެރިވި ސަބަބު ތަހުގީގު ކުރަމުން ނެެވެ. ޔޮންގްސަން ގޫ ފަޔަ ޑިޕާޓްމަންޓުގެ ވެރިޔާ ޗޮއި ސެއޮންގް ބަމް ވިދާޅުވީ މަރުވި ގިނަ މީހުންގެ ތެރޭގައި އެއްބައެއްގެ ގަޔަށް ފައިން އެރި ބޮޑެތި ޒަހަމުވެގެން މަރުވި މީހުންވެސް ހިމެނޭ ކަމަށެވެ.
ކޮވިޑަށްފަހު ބޭއްވި މި ހެލޮވީން ސެލެބްރޭޝަނަށް އޭޝިއާގެ އެކި ގައުމުތަކުންވެސް މީހުން ދިޔައިރު، މަރުވި މީހުންގެ ތެރޭގައި މަދުވެގެން 19 މީހުން ނަކީ އެހެން ގައުމުތަކުގެ މީހުން ނެވެ. އޭގެ ތެރޭގައި އީރާން، ނޯވޭ، ޗައިނާ އަދި އުޒްބެކިސްތާނުގެ މީހުން ހިމެނެ އެވެ.
ހެލޮވީން ފެސްޓިވަލްތެރޭ މީހުން ސަލާމަތްކުރުމަށް 1700 އަށްވުރެ ގިނަ އެމަޖެންސީ ރެސްޕޮންސް ހަރަކާތްތެރިވެފައިވޭ
މި ފެސްޓިވަލް އެހާ ބޮޑު ފެސްޓިވަލް އަކަށް ވެގެންދިޔައީ ކޮވިޑަށްފަހު އެގައުމުގައި ބޭއްވި އެންމެ ބޮޑު އެއްވުން ކަމަށް ވުމުންނެވެ. ގިނަ ބަޔަކު މި ފެސްޓިވަލްއަށް ގޮސްފައިވަނީ ކޮވިޑުގެ ރެސްޓްރިކްޝަންތަކުން ވީއްލުމުގެ އުފާ ފާޅުކުރުމުގެ ގޮތުން ނެވެ.
