ޗާގޯސް މައްސަލައިގައި އެމްއެންޕީން ރާއްޖޭގެ ސިޔާސަތު ކަނޑައެޅުމާއި ތަންފީޒު ކުރުމަށް ސިޔާސީ ޕާޓީތައް ބައިވެރި ކުރުމަށް މޯލްޑިވްސް ނޭޝަނަލް ޕާޓީއިން ގޮވާލާފައިވަނީ ރައީސް އިބްރާހިމް މުހައްމަދު ސޯލިހުއަށް ފޮނުއްވި ސިޓީއެއްގައެވެ.
އެމްއެންޕީ އިން މިއަދު ރައީސަށް ފޮނުވި ސިޓީގައި ބުނީ ސަރުކާރުން، ޗާގޮސް މައްސަލާގައި އަމަލު ކުރަމުންދާ ގޮތުން ސަރުކާރުގެ ނިންމުންތަކަށް ދިއުމުގެ ކުރިން ސިޔާސީ ޕާޓީތަކާއެކު މަޝްވަރާ ކުރުމަށް އެދޭ ކަމަށެވެ.
"މިހެން މި ދަންނަވަނީ އެއްވެސް ސަރުކާރަކުން ޗާގޮސް މައްސަލާގައި ރާއްޖޭގެ ސިޔާސަތު ހިންގުމަށް ވަކާލާތު ކުރައްވާފައިވާކަން ރަސްމީ ލިޔުމަކުން އެނގެން ނެތުމުންނާއި މަޖިލީހުގައި ދިން މައުލޫމާތަށް ބުރަވެ ތިބެ އެވެ،"
ޗާގޯސް މައްސަލާގަ ސަރުކާރުން ކުރިން ގެންގުޅުނު ސިޔާސަތު ބަދަލުކުރުމުގަ ވަށައިގެންވާ ސަބަބުތައް ދެނެގަނެ، އެކަން ކޮށްފައިވަނީ ގާނޫނީ ތަރަހައިގެ ތެރެއިންކަން ޔަގީންކުރުމަށް އެމްއެންޕީންވަނީ މަޖިލީހުގެ ހާއްސަ ސެލެކްޓް ކޮމިޓީއަކުން މިމައްސަލަ ބެލުމަށް މަޖިލީހަށްވެސް ހުށަހަޅާފައެވެ.
