ads
މިހާރުގެ އަރަބިއްޔާ ސްކޫލުގެ އިމާރާތް ބާވުމުގެ ސަބަބުން ނުރައްކާތެރިވާ މިންވަރަށް އިމާރާތުގައި ވަނީ ރެދުލާފައި
”އަރަބިއްޔާ ސްކޫލް މައްސަލަ ހައްލުކޮށްދޭނީ މި ސަރުކާރުން މާ ބޮޑުވެފައި ފުރިހަމަވެސްވާނެ“
އަލަށް އިމާރާތްކުރާ އަރަބިއްޔާ ސްކޫލުގެ މަސައްކަތް ބާރަށް ކުރިއަށްދާ ކަމަށާއި އެ އިމާރާތް ކުރިއަށްވުރެ ބޮޑުވެފައި މާ ފުރިހަމަވެސް ވާނެ ކަމަށް ސަރުކާރުން ބުނެފި އެވެ.

އަރަބިއްޔާ ސްކޫލު އިމާރާތުގެ މަސައްކަތް އަންނަ އަހަރުގެ ބަޖެޓުގައި ހިމަނާފައި ނުވާތީ އުފެދިފައިވާ ކަންބޮޑުވުންތަކާއި ގުޅިގެން މިއަދު ބޭއްވި ނޫސްވެރިންގެ ބައްދަލުވުމުގައި ރައީސް އޮފީހުގެ ތަރުޖަމާން މިއުވާން ވިދާޅުވީ، އެ ސްކޫލުގެ މަސައްކަތް ބަޖެޓުގައި އެބަ އޮތް ކަމަށެވެ.

އެއީ މިހާރުވެސް ކުރިއަށްދާ މަޝްރޫއުއެއްކަން ފާހަގަކުރައްވާ މިއުވާން ވިދާޅުވީ، އަމީން ކޮންސްޓްރަކްޝަނާއި ހަވާލުކޮށްގެން 420 ދުވަސްތެރޭ އެމަސައްކަތް ނިންމާގޮތަށް މަސައްކަތް ކުރިއަށްދާ ކަމަށެވެ.

މިހާރު ކުރިއަށްދަނީ އަރަބިއްޔާ އަޅާ ބިމުގައި ހުރި ބާޖަމާލުއްދީން ތަޅާލުމުގެ މަސައްކަތްކަމަށާއި، އެމަސައްކަތް ނޮވެމްބަރު މަހުގެ ފަހުކޮޅަށް ނިމޭނެ ކަމަށް ލަފާކުރެވޭ ކަމަށެވެ.

މިއުވާން ވިދާޅުވީ އެމަސައްކަތަކީ 168 މިލިއަނަށްވުރެ ގިނަ ރުފިޔާ ބަޖެޓުކޮށްގެން ކުރިއަށްދާ މަސައްކަތެއް ކަމަށާއި، އަރަބިއްޔާ ނިމޭއިރު ކުރީގެ އަރަބިއްޔާއަަށްވުރެ މާ ފުރިހަމަވެފައި ޖާގަވެސް ތަނަވަސްވާނެ ކަމަށެވެ.

”އަރަބިއްޔާގެ ކުދިންނަށް މީގެ ކުރިން އުފުލަންޖެހުނު ތަކުލީފު އިރާދަކުރެއްވިއްޔާ ހައްލުކޮށްދޭނީ މި ސަރުކާރުން، “ މިއުވާން ވިދާޅުވި އެވެ

މިއުވާން ފާހަގަކުރެއްވި ގޮތުން:

  • އަރަބިއްޔާގެ ކުރީގެ އިމާރާތުގައި 26 ކްލާސް ރޫމު ހުރިއިރު އަލަށް އަޅާ އިމާރާތުގައި 41 ކްލާސް ރޫމް ހުންނާނެ
  • ބާ އަރަބިއްޔާގައި 44 ހުރީ ފާހާނަ، އާ އިމާރާތުގައި 110 ފާހާނަ ހުންނާނެ
  • ބާ އަރަބިއްޔާގައި ހުރީ ތިން ލެބް، އާ އިމާރާތުގައި ހަތަރު ލެބް ހުންނާނެ
  • އިންޑޯ ގާޑަންއެއްް އިތުރުކުރެވޭނެ
  • ބާ އަރަބިއްޔާގައި ދެ ސްޓާފް ރޫމް، އާ އިމާރާތުގައި ހަތަރު ސްޓާފް ރޫމް
  • ބާ އިމާރާތުގައި ހުރީ ދެ އެޑްމިން ބްލޮކް، އާ އިމާރާތުގައި ތިން ބްލޮކް
  • ބާ އިމާރާތުގައި ހުރީ ދެ ލިފްޓު، އާ އިމާރާތުގައި ހަތަރު ލިފްޓު 
  • އެކްޓިވިޓީ އޭރިއާގެ ފަސް އޭރިއާ ހުންނާނެ
  • ރީޑިން އޭރިއާގެ ދެ އޭރިއާ ހުންނާނެ

އަލަށް އިމާރާތްކުރާ އަރަބިއްޔާގައި ސްޕޯޓްސް އޭރިއާ އަކާއި، ސްޓާފުންގެ ޕާކިން އޭރިއާއެއްގެ އިތުރުން ދަރިވަރުންނާއި މުވައްޒަފުންނަށް ބޭނުންކުރެވޭ ގޮތަށް ދެ ކެންޓީންގެ އިތުރުން، ޓާފް ދަނޑެއްވެސް ގާއިމުކުރެވިފައި ހުންނާނެ ކަމަށް މިއުވާން ވިދާޅުވި އެވެ.

އެހެންކަމުން އަރަބިއްޔާ ސަރުކާރުން ދޫކޮށްނުލައްވާ ކަމަށާއި، އެއީ ދޫކޮށްލައްވާ ވަރަަށްވުރެ އިސްކަންދީގެން ސަރުކާރުން ހިންގަމުން އަންނަ މަސައްކަތެއް ކަމަށް މިއުވާން ވިދާޅުވި އެވެ.

your imageމިހާރުގެ އަރަބިއްޔާގެ ފާރުތަކުގައި ރެދުލާފައި

އަރަބިއްޔާ ބަދަލުކުރުމަށް ސަރުކާރުން ނިންމާފައިވަނީ ބާ ޖަމާލުއްދީން ތަޅާލުމަށްފަހު އެތަނުގައި އަޅާ އާ އިމާރާތަށެވެ.

އަރަބިއްޔާގެ އާ އިމާރާތެއްގެ މަސައްކަތް ސަރުކާރުން ފެށީ އެތަނުގައި ދަރިވަރުންނަށް ކިޔަވައިދިނުން ރައްކާތެރި ނޫން މިންވަރަށް ރެދުލައި ސްކޫލު ބާވެފައިވާކަމުގެ ކަންބޮޑުވުން ބެލެނިވެރިން ކުރަން ފެށުމުން ނެވެ.

75%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
25%
ވަރަށް ސަލާމް
ކޮމެންޓްސް