ފެން ބިލް ޖޫރިމަނާ މައާފް ކޮށްދިނުމަށް ހުޅުވާލި ޕްރޮގްރާމަކީ އެކުންފުނީގެ ފަރާތުން ކަސްޓަމަރުން ނުދައްކާ ހުރި ބިލުތައް ދެއްކުމަށް ލުއިފަސޭހަ މަގެއް ފަހިކޮށްދިނުމުގެ ގޮތުން 2019 ވަނަ އަހަރުން ފެށިގެން ހިންގަމުން އަންނަ ޕްރޮގްރާމެކެވެ.
އެ ޕްރޮގްރާމުގެ މުއްދަތު ކުރިއަށް އޮތް ޑިސެމްބަރު 31 ވަނަ ދުވަހުގެ ނިޔަލަށް ހަމަވާނެކަމަށް އެމްޑަބްލިއުއެސްސީން ބުނެއެވެ.
ހަމަ މިއާއިއެކު ކަސްޓަމަރުން ބޭނުންނަމަ، މިމުއްދަތުގެ ތެރޭގައި އިންސްޓޯލްމަންޓް އުސޫލުން ބިލްތަކަށް ފައިސާ ދައްކާ ހަލާސް ކުރުމުގެ ފުރުސަތުވެސް ލިބޭނެ ކަމަށް އެކުންފުނިން ބުންޏެވެ.
އެހެންކަމުން މި ފުރުސަތުގެ ބޭނުން މިއަހަރު ނިމުމުގެ ކުރިން ހިފައި އަދި މުސްތަގްބަލުގައި ޖޫރިމަނާ އެރިޔަނުދީ ބލްތަކަށް ވަގުތުން ފައިސާ ދެއްކެމަށް އެކުންފުނިން ވަނީ އެދިފައެވެ.
މިކަމާއި ގުޅޭގޮތުން އިތުރު މައުލޫމާތު ސާފުކުރުމަށް ބޭނުންވާނަމަ ކުންފުނީގެ ހޮޓްލައިން 105 އަށް ގުޅައިގެން މައުލޫމާތު ސާފުކުރުމަށް ވެސް އެކުންފުނިން ވަނީ އެދިފައެވެ.
އެކުންފުނިން ބުނީ، އަމާޒަކީ، ކުންފުނިން ފޯރުކޮށްދެމުން އަންނަ ފެނާއި ނަރުދަމާގެ ހިދުމަތްތައް، ވީހައިވެސް ލުއި ފަސޭހަ ގޮތެއްގައި ކަސްޓަމަރުންނަށް ފޯރުކޮށްދިނުން ކަމަށެވެ.
