އުމަރު އަރަބިއްޔާގެ ބައެއް ބެލެނިވެރިންނާއި ބައްދަލުކޮށްފައިވަނީ އިއްޔެ އެވެ.
ބައްދަލުވުމާއި ގުޅޭގޮތުން އުމަރު ވިދާޅުވީ، އަރަބިއްޔާ ސްކޫލް ގެ ބެލެނިވެރިންނާ ބައްދަލުކޮށް އެމީހުންގެ ކަންބޮޑުވުންތައް އަޑުއަހާލުމުގެ ފުރުސަތު ލިބުނީތީ އުފާކުރާ ކަމަށެވެ.
ރާއްޖޭގެ އިސްލާމީ ޝަހުސިއްޔަތު ދިރުވާ، ދުޅަހެޔޮ، އަހްލާގް ރަނގަޅު، ހެޔޮލަފާ، ތައުލީމީ ޖީލެއް ބިނާކުރުމީ އެންމެ އިސްކަންދޭނެ ކަންތައް ކަމަށް އުމަރު ވިދާޅުވި އެވެ.
އުމަރު އަރަބިއްޔާ ބެލެނިވެރިންނާއި ބައްދަލުކުރެއްވި އިރު، ސޭވް އަރަބިއްޔާ ނަމުގައި ކުރިއަށް ގެންދާ ކެމްޕެއިންގެ ދަށުން އަރަބިއްޔާއިން ބެލެނިވެރިން ދަނީ އެބެލެނިވެރިންގެ ކަންބޮޑުވުން ފާޅުކުރަމުން ނެވެ.
މިކަންބޮޑުވުންތައް ބެލެނިވެރިން ފާޅުކުރަމުންދަނިކޮށް އެ ސްކޫލުގެ ޕްރިންސިޕަލް ވެސް މިހާރު ވަނީ ބަދަލުކޮށްފައެވެ. ޕްރިންސިޕަލްގެ މަގާމު އަބުރާ ރުޖޫއަކުރުމަށް އެދިވެސް އެ ސްކޫލުގެ ބެލެނިވެރިން ދަނީ ކަންބޮޑުވުން ފާޅުކުރަމުން ނެވެ.
