ޝިޔާމް މިހެން ވިދާޅުވީ، އަތޮޅުތަކާއި މާލޭގައި ދެވޭ ކަރަންޓުގެ ހިދުމަތުން ނަގާ އަގު އެއްވަރުކުރުމަށް ގޮވާލައި ސްޓޭޓް އޯން އެންޓަޕްރައިޒަސް ކޮމެޓީ، (އެސްއޯއީ) ކޮމެޓީން ހުށަހެޅި ރިޕޯޓަށް ބަހުސް ކުރައްވަމުންނެވެ.
އޭނާ ވިދާޅުވީ އަންނަ އަހަރު ދައުލަތުން ނަގާ ޓެކްސް ބޮޑުކޮށްފައިވާއިރު، މާލޭގައި ދިއިއުޅޭ މީހުންނާއި، ރަށްރަށުގައި ދިރުޅޭ މީހުންނާ ވެސް ޓެކްސް ދައްކަނީ އެއް މިންވަރަކަށް ކަމަށެވެ. މިހެންކަމުން ހިދުމަތް ދިނުމުގައި ވެސް ހަމަހަމަ ވާންޖެހޭނެ ކަމަށެވެ.
ޝިޔާމް ވިދާޅުވީ މި ހާލަތުގައި ކަންކަން އޮތުމުން ޓެކްސް ނަގައިގެން ކުރާ ކަންތައްތަކާ މެދު ދިވެހި ރައްޔިތުން ސުވާލު އުފައްދާކަމަށެވެ.
އެ ހޮސްޕިޓަލުގައި ހޭނައްތާ މެޝިނު ހަލާކުވެފައި ހުންނަތާ ވެސް ހަ މަސް ދުވަސް ވެއްޖެކަމަށް ޝިޔާމް ވިދާޅުވިއެވެ.
ޅ. އަތޮޅު ހޮސްޕިޓަލް
ށ، ނ. ރ، ބ އަދި ކ އަތޮޅުން ވެސް އެ ހޮސްޕިޓަލުން ފަރުވާ ހޯދަން މީހުން އަންނަކަމަށް ޝިޔާމް ވިދަޅުވިއެވެ.
އެ ހޮސްޕިޓަލުގައި ޑައިލެސިސް ހިދުމަތް ފަށާނެކަމަށް ރައީސް އިބްރާހިމް މުހައްމަދު ސާލިހު އިއުލާނުކުރެއްވި ނަމަވެސް، އެ ހިދުމަތްވެސް އެ ހޮސްޕިޓަލުގައި ނުފެށި އޮތީ ހޭ ނައްތާ މެޝިނު ހަލާކުވެފައި ހުރުމުން ކަމަށް ވެސް އޭނާ ވިދާޅުވިއެވެ.
ލޮލުގެ ޑޮކްޓަރެއް އެ ހޮސްޕިޓަލަށް ފޮނުވި ނަމަވެސް، ލޮލަށް ފަރުވާ ދޭނެ އެއްވެސް ވަސީލަތެއް އެ ހޮސްޕިޓަލުގައި ނެތްކަން ޝިޔާމް ފާހަގަކުރެއްވިއެވެ.
ޝިޔާމް ވިދާޅުވީ އެތަން ތަޅުލަން ރައީސް އިބްރާހިމް މުހައްމަދު ސާލިހު ވަޑައިގަތުން މާ "ތާހިރުވާނެ" ކަމަށެވެ.
