މީކާއިލް މިހެން ވިދާޅުވީ އޭނާ ކުރިން ދައްކާފައިވާ ވާހަކައަކާއި ވިއްދައިގެން އިސްމާއިލް ޒަރިޔަންދު ކުރި ސުވާލަކަށް ޖަވާބު ދެމުންނެވެ.
މީކާއިލް ދެކެ ގިނަ ބަޔަކު ހިތްހަމަ ނުޖެހިގެން އުޅެނީ ބަޖެޓަށް ވޯޓު ދިނުމުންނެވެ.
ނަމަވެސް މީކާއިލް ބުނެފައިވަނީ އޭނާ ވޯޓު ދިނީ ވިޕް ލައިނާއި ހިލާފު ނުވާންވެގެން ކަމަށެވެ. އަދި ވިޕާއި އެއްގޮތައް ވޯޓު ލުމަކީ އަބަދު ވެސް އޭނާ ގަބޫލުކުރާ އުސޫލު ކަމަށެވެ.
މީކާއިލް މިހެން ވިދާޅުވީ މީކާއިލް ގެ "ބަސްމަގު ބަދަލުވެ ހަރަކާތުގެ އަމާޒު އޮޅުނީ އާއިލާ ބޭފުޅަކަށް ވަޒީފާ ލިބުނީތޯ؟" ޒަރިޔަންދު ސުވާލު ކުރުމުންނެވެ.
ބަޖެޓަށް ވޯޓަށް އެހިއިރު އެމްޑީޕީ ޕީޖީ ގުރޫޕުން އޮތީ ތްރީލައިން ވިޕެއް ވެސް ނެރިފައެވެ. ނަަމަވެސް އެމްޑީޕީގެ ހަތް މެންބަރަކު ބަޖެޓަށް ވޯޓެއް ނުދެއްވައެވެ.
އަންނަ އަހަރަށް ލަފާކޮށް ދައުލަތުން މަޖިލީހަށް ހުށަހެޅި 42.8 ބިލިއަން ރުފިޔާގެ ބަޖެޓު މަޖިލީހުން ފާސްކޮށްފައިވަނީ 61 މެންބަރުންގެ ވޯޓާއެކުއެވެ.
