މައުލޫމާތު ލިބިފައިވާ ގޮތުގައި އާއްމު މީހަކު މިނިސްޓަރު ނަހުލާ އާއި ދެކޮޅަށް އޭސީސީއަށް ހުށަހެޅީ، ގަވައިދާ ހިލާފަށް އުޅަނދުތައް ރަޖިސްޓްރީކޮށްދީ އޭގެން މާލީ ތަނަވަސްކަން ހޯދަން އުޅުނުކަމުގެ މައްސަލަ އެވެ.
މިކަމާއި ގުޅިގެން އޭސީސީގެ އޮފިޝަލަކު ސީއެންއެމް އަށް މައުލޫމާތު ދެއްވަމުން ވިދާޅުވީ، މީގެ ދެ ހަފްތާ ކުރިން އާއްމު މީހަކު މިނިސްޓަރު ނަހުލާ އާއި ދެކޮޅަށް ހުށަހެޅި މައްސަލަ އެ ކޮމިޝަނަށް ބަލައިގަނެ، މައްސަލަ ބަލަން ނިންމާފައި ވާކަމަށެވެ.
އެހެންނަމަވެސް މައްސަލަ ބަލާ ނިމޭނެ ތާރީހެއް ބުނަން ނޭނގޭ ކަމަށް އޮފިޝަލް ވިދާޅުވި އެވެ.
އަދި މިނިސްޓަރު ނަހުލާ އާއި ދެކޮޅަށް ހުށަހަޅާފައިވަނީ ކޮން މައްސަލައެއް ކަމެއްވެސް އޮފިޝަލް ވިދާޅުނުވެ އެވެ.
ގަވައިދާ ހިލާފަށް އުޅަނދު ރަޖިސްޓަރީ ކޮށްފައިވާ ގިނަ މައްސަލަތަކެއް ފަހަކަށްއައިސް ވަނީ ފެންމަތިވެފަ އެވެ. އެކަމާ ގުޅިގެން އިދާރާ ތަކުން ގެންދަނީ އެމައްސަލަ ތަހުގީގު ކުރަމުންނެވެ.
