ފުލުހުން ރޭ އަތުލި ރާ ފުޅިތައް
ބަނގުރަލާ އެކު ރޭ އަތުލައިގަތް ދެ މީހުން 15 ދުވަހަށް ބަންދު
އަހުމަދު ހަސަން
14 ޑިސެމްބަރ 2022 - 20:17:37
ރޭގެ ވަގުތެއްގައި މާލެއިން ގިނަ އަދަދެއްގެ ބަނގުރަލާއެކު ހައްޔަރު ކުރި ދެ މީހުންގެ ބަންދަށް ކްރިމިނަލް ކޯޓުން 15 ދުވަސް ޖަހައިފިއެވެ.
Advertisement
ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން މާލެ ސިޓީގައި ރޭ ހިންގި އޮޕަރޭޝަނެއްގައި ގިނައަދަދެއްގެ ބަނގުރާ ފުޅިތަކަކާއެކު އަތުލައިގަތް ދެ މީހުންނަކީ، އަހްމަދު ސަމީރު ކިޔާ މީހާ ޖަމްޝީދު ނަސީރު ކިޔާ މީހެކެވެ. ކްރިމިނަލް ކޯޓުގެ ބަންދު އަމުރު ރިޕޯޓުން އެނގޭ ގޮތުގައި މި ދެ މީހުންނަކީ އެއް ގެއެއްގައި އުޅޭ ދެ މީހުންނެވެ. ދެ މީހުންގެވެސް ބަންދު / ހައްޔަރު ރިކޯޑް ހުރި ކަމަށް ކްރިމިނަލް ކޯޓުގެ ރިޕޯޓުން އެނގެއެވެ.
ފުލުހުންގެ އިންޓެލިޖެންސާއި ޑްރަގް އެންފޯސްމަންޓުން ރޭ ހިންގި އެ އޮޕަރޭޝަނުގައި، އެ ދެ މީހުން ހައްޔަރުކޮށްފައިވަނީ އެ މީހުން ދުއްވި ކާރު ސިނަމާލެ ބްރިޖުމަތިން ހުއްޓުވައި ބަލައި ފާސްކުރިއިރު 264 ފުޅި ބަނގުރާ ފެނުމާ ގުޅިގެންނެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
