މިމަހުގެ 12 ވަނަ ދުވަހުގެ ރޭގެ ވަގުތެއްގައި ނޮޅިވަރަންފަރު ސަހަރާ ކޮންނަ ފޮޓޯތަކެއް ވަނީ ދައުރުވެފަ އެވެ. އަދި އެކަން ކޮށްފައިވަނީ ފުލުހުން ތިބިގެން ކަމަށް ބުނެ ކަންބޮޑުވުން ފާޅުކޮށްފައި ވެ އެވެ.
މިކަމާއި ގުޅިގެން އެރަށުގެ ކައުސިލްގެ ރައީސް އަބްދުއްﷲ ނައީމް މިއަދު "ސީއެންއެމް" އަށް މައުލޫމާތު ދެއްވަމުން ވިދާޅުވީ ސަހަރާ ކޮނުނު މައްސަލަ އެ ކައުންސިލުގެ ފަރާތުން މިހާރު ވާނި އެރަށުގެ ޕޮލިސްޓޭޝަނަށް ހުޝަހަޅާފައި ކަމަށެވެ.
އެހެންނަވެސްް އަދި މިހާތަނަށް ޕޮލިސްޓޭޝަނުގެ ފަރާތުން އެކަމާއި ގުޅޭ ގޮތުން އެއްވެސް ޖަވާބެއް އެކައުސިލަށް ލިބިފައި ނުވާ ކަމަށާއި، ކައުސިލުން ވާނީ އެކަމަށް އަވަސް ޖަވާބެއް ދެއްވުމަށް އެދި އެރަށު ޕޮލިސްޓޭޝަނަށް ލިޔުމެއް ވެސް ފޮނުވާފައި ކަަމަށް ނައީމް ވިދާޅު ވި އެވެ.
އޭގެ އިތުރުން ނައީމް ވިދާޅުވީ އެ ކައުންސިލުން އަންނަނީ ޕޮލިސް އިންޓަގްރިޓީ ކޮމިޝަނަށާ ހޯމް މިނިސްޓްރީއަށް އެ މައްސަލަ ފޮނުވުމަށް ތައްޔާރު ވަމުން ކަމަށެވެ. އަދި މިއީ، ސީރިއަސް މައްސަލަ އެއް ކަމަށްވެސް އޭނާ ވިދާޅުވި އެވެ.
މިކަމާއި ގުޅިގެން ސުވާލުކުރުމުން މާބޮޑު ތަފްސީލެއް ދިނުމެއްނެތި ފުލުހުން މީގެ ކުރިން ބުނީ، ފުލުހުން އެ ސަހަރާ ބަލާ ފާސްކުރީ ކަމަށެވެ.
ސަހަރާ ކޮނުމުގެ ހުއްދައަށް އެދި އަނގަ ބަހުން އެކައުންސިލަށް އެކި ފަހަރު މަތިން ހުށަހެޅުމުން، އިސްލާމިކް މިނިސްޓްރީގެ ލަފަޔަކަށް އެ ކައުންސިލުން އެދުމުނު ކަމަށާއި، އެ މިނިސްޓްރީން އަންގާފައިވަނީ ޝަރުއީ ރުގުޔާގައި ސަހަރާ ކޮނުމެއް ނޯންނާނެ ކަމަށާއި އަދި އެކަން ކުރުމަށް ހުއްދަ ނުދިނުމަށެވެ. މިލަފަޔާ އެއްގޮތަށް، އެކަން ކުރުމަށް ހުއްދަ ނުދެވޭނެކަމަށް ކައުންސިލުން ވަނީ، އެކަމަށް އެދުނު ފަރާތަށް އަންގާފައިކަމަށްވެސް ކައުންސިލްގެ ބަޔާނުގައި ވެ އެވެ.
އެހެން ކަމުން، ކައުންސިލްގެ ހުއްދައެއް ނެތި ސަހަރާ ކޮނުނު މައްސަލަ ހަރުކަށި އިބާރާތުން ކުށްވެރި ކުރާ ކަމަށެވެ. އަދި ގާނޫނުތައް ނަގަހައްޓާ ދެމެހެއްޓުމުގެ މަސްއޫލިއްޔަތާ ހަވާލުވެހުރި ފުލުހުންގެ މުއައްސަސާއިން މިފަދަ އަމަލުތައް ހިންގުމަށް އެއްބާރުލުން ދޭ ދިނުން ކުށްވެރިކޮށް އަދި މީޑިޔާތަކަށް އެ ކައުންސިލް ބަދުނާމުކޮށް ފުލުހުން ދީފައިވާ މައުލޫމާތު ހަރުކަށި އިބާރާތުން ކުށްވެރި ކުރާ ކަމަށެވެ. މި ކަމަކީ ގާނޫނު ނަންބަރު 7/2010 އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުން އެ ކައުންސިލަށް ލިބިދީފައިވާ ބާރަށް އަރައިގަތުން ކަންވެސް މި ބަޔާނުގައި އިތުރަށް ފާހަގަކޮށްފައި ވެ އެވެ.
