ރާއްޖޭގައި މަރުވާ މީހުންނާއި ދިވެހިންގެ ކަށުނަމާދު ގަޑިތައް އަންގައިދެމުން އަންނަ ފޭސްބުކް ޕޭޖާއި ވައިބާ ގުރޫޕު ހިންގާ އަޙްމަދު މުނައްވަރު، އޭނާގެ ފޭސްބުކް އެކައުންޓުގައި ބުނެފައިވާ ގޮތުގައި މާލޭ ސިޓީ ކައުންސިލުން އެގޮތަށް އެންގެވީ މިއަދު އެކައުންސިލްގައި ބޭއްވި ބައްދަލުވުމެއްގަ އެވެ.
އަޙްމަދު މުނައްވަރު ބުނެފައިވާ ގޮތުގައި ސިޓީ ކައުންސިލުން އަންގާފައިވަނީ އެއީ ސިޓީ ކައުންސިލުން ކުރަންޖެހޭ ކަމެއްކަމަށާއި، އެކަމަކީ އަމިއްލަ ފަރުދަކަށް ކުރެވޭނެ ކަމެއް ނޫން ކަމަށެވެ. އެހެންކަމުން އެ މަސައްކަތް ހުއްޓާލުމަށެވެ.
އެހެން ނަމަވެސް އެ ޕޭޖާއި ވައިބާ ގްރޫޕް ހުއްޓާނުލާނެ ކަމުގައި މުނައްވަރު ބުންޏެވެ.
ކަށުނަމާދު ޕޭޖަކީ ކަށުނަމާދާ ގުޅޭ މައުލޫމާތު ފޯރުކޮށްދެމުން އަންނަތާ މިހާރު ހަތްއަހަރު ވެފައިވާ، އެ ޕޭޖުގެ ފޮލޯވަރުންގެ ގޮތުގައި 70000 އަށްވުރެ ގިނަ މީހުން ހިމެނޭ ޕޭޖެކެވެ.
