ސިޓީ ކައުންސިލުން ނެރުނުއިއުލާނުގައިވާ ގޮތުގައި ވަނީ އެ ކައުންސިލުގެ ސްޓްރަޓެޖިކް އެކްޝަން ޕްލޭންގައި ހިންގުމަށް ކަނޑައަޅާފައިވާ ޕްރޮޖެކްޓުތަކުގެ ތެރެއިން ވިލިމާލޭގައި ވޯޓާ ސްޕޯޓްސް އޭރިއާ ތަރައްގީ ކުރުމާގުޅޭ ގޮތުން އެކުލަވާލާފައިވާ ޕްލޭނާއި އެއްގޮތަށް އެ ސަރަހައްދު ތަރައްގީ ކުރުމަށް ޝައުގުވެރިވާ ފަރާތްތަކަށް އެ ފުރުސަތު ހުޅުވާލާފަ އެވެ.
މި މަސައްކަތައް ޝައުގުވެރިވާ ފަރާތްތަކުން ޕްރޮޕޯސަލް ހުށަހެޅުމަށް ވަނީ ޖެނުއަރީ ފަސް ވަނަ ދުވަހުގެ ނިޔަލަށް މުއްދަތު ދީފައެވެ.
މި ޕރޮޕޯސަލް ކާމިޔާބު ކުރާ ފަރާތަކަށް ފަޅާއެކު 120،000 އަކަ ފޫޓުގެ ސަރަހައްދެއް ތަރައްގީ ކުރުމަށް ލިބިގެންދާނެއެވެ. މަޝްރޫއުގެ ދަށުން އާންމުންނަށް މުނިފޫހިފިލުވުމުގެ ހަރަކާތްތަކާއި ވަސީލަތްތައް ލިބޭނެ އިންތިޒާމު ގާއިމްކުރަން ޖެހެ އެވެ.
މި މަށްރޫ އާއި ހަވާލުވާން ބޭނުންވާ ފަރާތްތަކުގެ ތެރެއިން ކުރުމުގެ ބިޑް ސެކިއުރިޓީގެ ގޮތުގައި ދިވެހި ކުންފުނިތަކުން ނަމަ 10،000ރ. އަދި ބޭރުގެ ފަރާތްތަކުން 2،000 ޑޮލަރު ހުށަހަޅަންޖެހެ އެވެ.
ވިލިމާލެ ވޯޓާ ސްޕޯޓްސް ބީޗް ސަރަހައްދަކީ މާލެއިން ވެސް ގިނަ ބަޔަކު ޒިޔާރަތްކުރާ ސަރަހައްދެކެވެ.
