ރައީސް ސާލިހު އަދި ނަޝީދު
ސޯލިހު ވެރިކަމަށް ގެނައީވެސް ބާލާނީވެސް އަޅުގަނޑު: ނަޝީދު
އަހުމަދު ހަސަން
11 ޖެނުއަރީ 2023 - 13:24:29
ރައީސް އިބްރާހީމް މުހައްމަދު ސާލިހަށް ވެރިކަން ހޯއްދަވައިދެއްވީވެސް އަދި ވެރިކަމުން ބާލުއްވާނީވެސް އަމިއްލަފުޅަށް ކަމަށް ރައީސް ނަޝީދު ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީގެ ފޯރި އިންތިހާއަށް ގަދަވެފައިވާއިރު، ދެ ކޭމްޕުން އެއް ބަޔަކު އަނެއް ބަޔަކަށް އަންނަނީ ވަރުގަދަ ބަހުގެ ހަމަލާތައް ރައްދު ކުރަމުންނެވެ. ކެމްޕެއިނުގައި ރައީސް ނަޝީދު މި ވަގުތު ހުންނެވީ ބ. އަތޮޅުގައެވެ. ރައީސް ސޯލިހު މާލޭގައެވެ.
ބ. އަތޮޅުގައި ވާހަކަ ދައްވަމުން ރައީސް ނަޝީދު ވިދާޅުވީ، ރައީސް އިބްރާހީމް މުހައްމަދު ސޯލިހަށް ވެރިކަން ހޯއްދަވައިދެއްވީވެސް އަދި ވެރިކަމުން ބާލުއްވާނީވެސް އެމަނިކުފާނު ކަމަށެވެ. ނަޝީދު ވިދާޅުވީ 2018 ވަނަ އަހަރު ރައީސް ސޯލިހު ވެރިކަމަށް ނެރުނީ އޭރު ހުރިހާ ސިޔާސީ ލީޑަރުން ބަންދުގައި ތިބުމުން ކަމަށެވެ.
އެހެންވީމާ އެއްވެސް މީހަކަށް ނެތް 2018ގައި ނުކުމެ އިންތިހާބުގައި ބައިވެރިވެވޭކަށް، އެހެންވެ ހުރިހާ އެންމެން އެކުގައި އެ ދުވަހު ނިންމީ ރައީސް ސޯލިހު އަޅުގަނޑުމެން ނެރުމަށް. ރައީސް ސޯލިހު ވެރިކަމަށް ގެންނަން ބުނީ އަޅުގަނޑުކަން، ރައީސް ސޯލިހު ވެރިކަމުން ބާލަން ވެސް ހަމަ އުޅޭނީ އަޅުގަނޑު، އިރާދަކުރެއްވިއްޔާ އަޅުގަނޑު އެކަން ކުރާނަން.
އެމްޑީޕީގެ ޕްރައިމަރީ އޮންނާނީ މަހުގެ ފަހު ހޮނިހިރު ދުވަހުއެވެ. އިންތިހާބުގެ ކެމްޕެއިނުގެ ފޯރި މުޅި ރާއްޖޭގައިވަނީ ގަދަވެފައެވެ.
43%
ކަމުގޮސްފި
14%
އަޑުއެހިތާ މިހުރީ
29%
ސަތޭކައަކުން ސުމެއް
14%
ވަރަށް ސަލާމް
ކޮމެންޓްސް
