ކަސްޓަމްސް އިން ނެރެފައިވާ ތަފާސް ހިސާބުތައް ދައްކާގޮތުން،

• 2021 ވަނަ އަހަރުގެ ޑިސެމްބަރު މަހު ދައުލަތަށް އާމްދަނީގެ ގޮތުގައި 364 މިލިއަން ލިބިފައިވޭ
• މިދިޔަ އަހަރުގެ ޑިސެމްބަރު މަހު ލިބިފައިވަނީ 356 މިލިއަން ރުފިޔާ
• މިއީ ދެ އިންސައްތައިގެ ދަށްވުމެއް

ދައުލަތަށް ލިބުނު ޖުމްލަ އާމްދަނީ ދަށްވި ނަމަވެސް، 2021 ވަނަ އަހަރުގެ ޑިސެމްބަރު މަހާ އަޅާބަލާއިރު، މިދިޔަ ޑިސެމްބަރު މަހު އިމްޕޯޓް އަދި އެކްސްޕޯޓް ކުރެވުނު މުދަލުގެ އަގު ވަނީ އިތުރުވެފައެވެ.

• 2021 ވަނަ އަހަރުގެ ޑިސެމްބަރު މަހު 4.4 ބިލިއަން ރުފިޔާގެ މުދާ އިމްޕޯޓްކޮށްފައިވޭ
• މިދިޔަ ޑިސެމްބަރު މަހު 5.6 ބިލިއަން ރުފިޔާގެ މުދާ ވަނީ އިމްޕޯޓްކޮށްފައި
• މިއީ 27 އިންސައްތައިގެ އިތުރުވުމެއް

މިދިޔަ މަހު އަގުގެ އެންމެ ގިނައިން އިމްޕޯޓްކުރި ގައުމުތަކާއި އެ ގައުމުތަކުން އިމްޕޯޓް ކުރެވުނު މުދަލުގެ އަގުތައް (ސީއައިއެފް އަގު):

• ފަރަންސޭސި ވިލާތް - 766 މިލިއަން ރުފިޔާ (14 އިންސައްތަ)
• އޮމާން - 754 މިލިއަން ރުފިޔާ (13 އިންސައްތަ)
• އިންޑިއާ - 724 މިލިއަން ރުފިޔާ (13 އިންސައްތަ)
• ސިންގަޕޫރު - 694 މިލިއަން ރުފިޔާ (12 އިންސައްތަ)
• ޗައިނާ - 532 މިލިއަން ރުފިޔާ (9 އިންސައްތަ)

ކަސްޓަމްސް އިން ނެރެފައިވާ ތަފާސް ހިސާބުތަކަށް ބަލާއިރު،

• 2021 ވަނަ އަހަރުގެ ޑިސެމްބަރު މަހު 221 މިލިއަން ރުފިޔާގެ މުދާ ވަނީ އެކްސްޕޯޓްކޮށްފައި
• 2022 ވަނަ އަހަރުގެ ޑިސެމްބަރު މަހު 299 މިލިއަން ރުފިޔާގެ މުދާ އެކްސްޕޯޓްކޮށްފައިވޭ
• މިއީ 35 އިންސައްތައިގެ އިތުރުވުމެއް

މިދިޔަ މަހު އަގުގެ ގޮތުން އެންމެ ގިނައިން އެކްސްޕޯޓް ކުރި ގައުމުތައް:

• ތައިލެންޑް (66 އިންސައްތަ)
• ޖަރުމަނު ވިލާތް (7 އިންސައްތަ)
• އިނގިރޭސި ވިލާތް (5 އިންސައްތަ)
• އެމެރިކާ (3 އިންސައްތަ)
• ފަރަންސޭސި ވިލާތް (3 އިންސައްތަ)

މިދިޔަ ޑިސެމްބަރު މަހު ރޯޔަލްޓީގެ ގޮތުގައި 1.2 މިލިއަން ރުފިޔާ ދައުލަތަށް ލިބިފައިވެއެވެ.