ބީއެމްއެލުން ބުނި ގޮތުގައި މި އޭޓީއެމް ސެންޓަރު މެދުވެރިކޮށް އަމިއްލަ ފަރުދުންނާއި ވިޔަފާރިތަކަށް 24 ގަޑިއިރު ފައިސާ ނެގުމާއި ފައިސާ ޖަމާކުރުމާއި ބިލަށް ފައިސާ ދެއްކުމުގެ އިތުރުން ޓްރާންސްފާ ކުރުމުގެ ހިދުމަތް ލިބިގެންދާނެ ކަމުގައެވެ.
މަތިވެރީގައި ގާއިމުކުރެވުނު އޭޓީއެމް އާ އެކު، މި ވަގުތު އެ އަތޮޅުގެ ތޮއްޑޫ އަދި އުކުޅަހުގައި ހުރި ސެލްފް ސާވިސް ބޭންކިން ސެންޓަރުތަކުގެ އިތުރުން ރަސްދޫ ބްރާންޗުން އެ ބޭންކުގެ ހިދުމަތްތައް ފޯރުކޮށްދެމުންދާ ކަމަށް ބީއެމްއެލުން ބުނެއެވެ.
އެ ބޭންކުން ބުނެފައިވަނީ މުޅި ރާއްޖެ ހިމެނޭ ބޭންކިން ވިއުގައަކާ އެކު، 20 އަތޮޅުގައި 35 ބްރާންޗާއި 83 ސެލްފްސާވިސް ބޭންކިން ސެންޓަރުގެ އިތުރުން 141 އޭޓީއެމް އަދި 200 އަށް ވުރެ ގިނަ ކޭޝް އޭޖެންޓުން ހިމެނޭހެން އެންމެ ޒަމާނީ އޮންލައިން ބޭންކިން ހިދުމަތް ފޯރުކޮށްދެމުންދާ ކަމަށެވެ. ބީއެމްއެލްގެ އަމާޒަކީ އަމިއްލަ ފަރުދުންނާއި ވިޔަފާރިތަކާއި ރާއްޖޭގެ އެކި ކަންކޮޅުތަކުގައިވާ މުޖުތަމައުތަކަށް އެހީތެރިކަން ފޯރުކޮށްދިނުން ކަމަށް އެ ބޭންކުން ބުނެއެވެ.
