79 މިލިއަން ޔޫރޯ ނުވަތަ 1.3 ބިލިއަން ރުފިޔާގެ މި ދެ މަޝްރޫއު ހަވާލުކޮށްފައިވަނީ ސްޕެއިންގެ ހޮމްޓް އެސްޕަނިއާ އަށެވެ.
މިއަދު ހެލްތު މިނިސްޓްރީގައި ބޭއްވި ރަސްމިއްޔާތެއްގައި، މިނިސްޓްރީ އޮފް ހެލްތުގެ ފަރާތުން މި އެއްބަސްވުމުގައި ސޮއިކުރައްވާފައިވަނީ، މިނިސްޓަރ އޮފް ސްޓޭޓް ފޮރ ހެލްތު އަހުމަދު އާދިލް އަދި ހޮމްޓް އެސްޕަނިއާގެ ފަރާތުން ސޮއިކުރައްވާފައިވަނީ، ހޮމްޓް އެސްޕާނިޔާގެ ޗީފް އެގްޒެކެޓިވް ޑިރެކްޓަރ އެޑުއާރޑޯ އޮލިވޭރިއާ އެވެ.
ހެލްތު މިނިސްޓްރީން ބުނީ މި އެއްބަސްވުމުގެ ދަށުން މި ދެ ހޮސްޕިޓަލް އިމާރާތްކުރުމުގެ މަސައްކަތްކުރުމަށް ހަމަޖެހިފައިވަނީ އެމްޓީސީސީން ކަމަށެވެ. އަދި ލ ގަމު ހޮސްޕިޓަލް އިމާރާތް ކުރުމުގެ މުއްދަތަކީ 36 މަސްކަމަށާއި ގައްދޫ ހޮސްޕިޓަލް އިމާރާތްކުރުމަށް ދެވިފައިވަނީ 30 މަސް ކަމަށް ހެލްތް މިނިސްޓްރީން ބުނެއެވެ.
މި ޕްރޮޖެކްޓަށް ފައިނޭސް ކުރުމަށް ހަމަޖެހިފައިވަނީ، ޑޮއިޗަރ ބޭންކުގެ ފަރާތުންނެވެ.
