ސޯޝަލް މީޑިއާގައި ދައުރުވި ވީޑިއޯ އިން ފެންނަ ގޮތުގައި އައްޑޫސިޓީ ހިތަދޫ ޓެކްސީ ޑްރައިވަރަކު ވަނީ ކާރު ދުއްވަމުން އަމިއްލަ ޖިންސީ ގުނަވަން ނެރެ، ފުރައްސާރަ ކޮށްފަ އެވެ. އެވަގުތު އެ ޓެކްސީ ތެރެއިން ކުޑަކުދިން ވާހަކަ ދައްކަމުން ދިޔަ އަޑު ވެސް ވީޑިއޯ އިން އިވިގެން ދެއެވެ.
މި މައްސަލަ އާއި ގުޅިގެން ކޯޓު އަމުރެއްގެ ދަށުން މިދިޔަ ބުރާސްފަތި ދުވަހު އުމުރުން 44 އަހަރުގެ ފިރިހެނެއް ހައްޔަރު ކޮށްފައި ވާއިރު، އޭނާގެ ބަންދާއި މެދު ގޮތެއް ނިންމުމަށް އައްޑޫ ސިޓީ ހިތަދޫ މެޖިސްޓްރޭޓް ކޯޓަށް ހާޒިރުކުރުމުން ބަންދަށް ވަނީ 15 ދުވަސް ދީފަ އެވެ.
އެ ޑްރައިވަރުގެ ބަންދުގެ މުއްދަތު ޖަހާފައި ވާއިރު، އެ ޑްރައިވަރު އެވަގުތު ޓެކްސީ ގައި ތިބި ފަސިންޖަރުންނަށް އެ ވީޑިއޯ ލީކު ނުކުރުމަށް އެދި ފޮނުވި މެސެޖު ތަކެއްވެސް ސޯޝަލް މީޑިއާގައި ވަނީ އާއްމު ވެފަ އެވެ.
އެ މެސެޖު ތަކުގައި އެކަމަށް ޑްރައިވަރު މާފަށް އެދި، އެކަމަށް މާފު ކޮށްދިނުމަށް ވަނީ އެދިފަ އެވެ. އެހެން ނަމަވެސް އެކަން ދެން ކުރިއަށް ގެންދާނީ ފުލުހުންގެ އިދާރާއަށް މައްސަލަ ހުށަހަޅައިގެން ކަމަށް ޑްރައިވަރުގެ މެސެޖުތަކަށް ރިޕްލައި ދިން ފަރާތުން ވަނީ ބުނެފަ އެވެ.
