ރާއްޖެގެ ފޮރިން މިނިސްޓަރު އަބްދުﷲ ޝާހިދު
ޑެންމާކްގައި ޤުރުއާން އަންދާލުން: ދިވެހި ސަރުކާރުން ކުށްވެރިކޮށްފި
އައިޝަތު ނޫރާ
30 ޖެނުއަރީ 2023 - 14:00:30
ޑެންމާކުގެ ކޯޕަންހޭގަންގައި ސްވިޑެންގެ ކަނާތުފިޔައިގެ ސިޔާސީ ޕާޓީ ސްޓްރަމް ކާސްގެ ލީޑަރު ރަސްމުސް ޕަލޫދާން ކީރިތި ޤުރުއާނަށް އިހާނަތިކޮށް ހިތުމަށް ފަހު އެ މާތް ފޮތް އަންދާލައި ހިންގި އަމަލު ރާއްޖެއިން ކުށްވެރިކޮށްފި އެވެ.
Advertisement
ފޮރުން މިނިސްޓްރީން މިއަދު ނެރުނު ބަޔާނުގައި ބުނެފައިވަނީ އެ ނުބައި ހަޑިމުޑުދާރު އަމަލު ދިވެހި ސަރުކާރުން ހަރުކަށި އިބާރާތުން ކުށްވެރިކުރެއެވެ.
"މި ފުން ނަފްރަތު ބޮޑު އަދި އިހްތިރާމް ކުޑަ އަމަލު ތަކުރާރުވުމަކީ ދުނިޔޭގެ އެތައް މިލިއަން މުސްލިމުންގެ ދީނީ ޝުޢޫރުތަކަށް އަނިޔާވާކަމެއް. މިއީ ވާހަކަ ދެއްކުމުގެ މިނިވަންކަމާ ގުޅުވައިލެވޭނެ ކަމެއް ނޫން،" ފޮރިން މިނިސްޓްރީން މިއަދު ނެރުނު ބަޔާނުގައި ބުނެފައިވެއެވެ.
އިސްލާމޯފޯބިއާގެ (މުސްލިމުންނާ މެދު ނަފްރަތް އުފެއްދުމުގެ) މި ބިރުވެރި އަމަލުތަކުގެ ސަބަބުން ސުލްހަ އާއި އެއްބައިވަންތަކަމާ އެކު ދިރިއުޅުމަށް ހުރަސް އެޅޭކަމަށް ވެސް ފޮރިން މިނިސްޓްރީގެ ބަޔާނުގައި ބުނެފައިވެއެވެ.
މިއީ ކީރިތި ޤުރުއާނުގެ ކޮޕީއެއް ރަސްމުސް އަންދާލި ދެ ވަނަ ފަހަރެވެ. މިގޮތުން މިމަހުގެ މެދު ތެރޭގައި ސްވެޑެންގައި ތުރުކީ އެމްބަސީ ކުރިމަތީގައި ކުރި މުޒާހަރާއެއްގެ ތެރެއިން ވެސް މި ހައްދު ފަހަނަ އެޅި ރަސްމަސް ވަނީ ހަތިމެއް އަންދާލާފައެވެ. އދ އިން ވެސް ވަނީ މި އަމަލު ކުށްވެރިކޮށްފައެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
