މިކުއްޖާއަށް ނަންދީފައިވަނީ "އަޔާ" ގެ ނަމުން ނެވެ. އަރަބި މި ރީތި ނަމުގެ މާނައަކީ މިރަކަލް ނުވަތަ މުޢުޖިޒާތެވެ. ދިރިހުއްޓާ އަޔާ ފެނުނުއިރު އޮތީ ހަރަކާތް ހުއްޓިފަ އެވެ. އެކަމަކު ވިންދު ހުއްޓެވެ. ވަގުތުން ހޮސްޕިޓަލަށް ގެންގޮސް ފަރުވާދީފައިވާއިރު އަޔާގެ ހާލަތު މިހާރު ރަނގަޅެވެ. މިވަގުތު އޮތީ ހޮސްޕިާޓަލުގައި އޮބަޒަވޭޝަންގައެވެ.
ތުއްތު އަޔާ އަށް ގާތުން ދެނީ ޑޮކްޓަރުގެ އަންހެނުން
ތުއްތު އަޔާ ދިރިހުއްޓާ ފެނުނު ނަމަވެސް އަޔާގެ މަންމަ އާއި ބައްޕަ ހިމެނޭހެން އާއިލާގެ އެންމެން ވަނީ މި ހާދިސާގައި ދުނިޔެދޫކޮށްފަ އެވެ. ހޮސްޕިޓަލާއި ހަވާލާދީ ބޭރުގެ ނޫސްތަކުން ރިިޕޯޓުކޮށްފައިވާ ގޮތުގައި އަޔާ ސަލާމަތްކުރާ މަންޒަރު ފެންނަ ވީޑިއޯތަކާއި ހަބަރުތައް ސޯޝަލް މީޑިއާގައި ދައުރުވެގެން ދިއުމާއިއެކު ކުއްޖާ އެޑޮޕްޓުކުރުމަށް ޓަކައި އެތައް ހާސް ފޯން ކޯލެއް ހޮސްޕިޓަލަށް ކޮންމެ ދުވަހަކުުވެސް ލިބެ އެވެ.
އެކަމަކު އަޔާ ބައްލަވަމުންގެންދަވާ ޑޮކްޓަރު ހާލިދު އަތިއާ ވަނީ، އާޔާ ހޮސްޕިޓަލުން ދޫކޮށްލުމާއިއެކު ހަމައެކަނި ހަވާލުކުރާނީ އަޔާގެ އާއިލާގެ މީހުންނާއި ކަމުގެ ޔަގީންކަން ދެއްވާފަ އެވެ.
އެގޮތުން ތުއްތު އަޔާ ބެލުމާއި ހަވާލުވާން މިހާރު ނިންމާފައިވަނީ އަޔާގެ ބޮޑުބޭބެ ސަލާހް އަލް ބަދްރާން އެވެ. މި ބިންހެލުމުގައި ބޮޑުބޭބެ ސަލާހްގެ ގެވެސް ވަނީ ސުންނާފަތި ވެފައެވެ. އެހެންވެ މިވަގުތު އޭނާ އާއި އޭނާގެ އާއިލާ ވެސް ދިރިއުޅެމުންދަނީ ޓެންޓެއްގަ އެވެ.
ޑރ. ހާލިދު އަތިއާގެ ބެލުމުގެ ދަށުން އަޔާ މިވަގުތު ހޮސްޕިޓަލުގެ އޮބްޒަވޭޝަންގައި ބާއްވައިގެން ފަރުވާދެމުންދާއިރު، އަޔާއަށް ގާތުން ދެނީ ޑރ. ހާލިދުގެ އަނބިކަނބަލުން ނެވެ.
