އެމް-ފައިސާ މެދުވެރިކޮށް ލިބޭ އެހީ ހާލުގައި ޖެހިފައިވާ ފަރާތްތަކަށް ފޯރުކޮށްދިނުމަށް ހަމަޖެހިފައިވަނީ އިންޓަނޭޝަނަލް އެއިޑް ކެމްޕެއިން މޯލްޑިވްސް މެދުވެރިކޮށް - ފޮޓޯ:އުރީދޫ
އެމް-ފައިސާ މެދުވެރިކޮށް ތުރުކީ އަދި ސީރިއާއަށް އެހީތެރިވުމުގެ ފުރުސަތެއް
މުހައްމަދު އަތީފް
14 ފެބްރުއަރީ 2023 - 19:02:35
ތުރުކީ އާއި ސީރިއާގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދޭން ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ.
ތުރުކީ އާއި ސީރިއާ ބޯޑަރު ކައިރިއަށް އައި ބިންހެލުމުގައި އެތައް ހާސް ބަޔަކު މަރުވެ އިތުރު އެތައް ބަޔަކު ހާލުގައި ޖެހިފައިވާ މި ދަނޑިވަޅުގައި އެ ދެ ގައުމުގައި ހާލުގައި ޖެހި އެހީތެރިކަމަށް ބޭނުންވެފައިވާ ފަރާތްތަކަށް އެހީތެެރިކަން ފޯރުކޮށްދިނުމުގެ ފުރުސަތު އުރީދޫ މޯލްޑިވްސްއިން ހުޅުވާލައިފިއެވެ.
އެގޮތުން އެމް-ފައިސާ މެދުވެރިކޮށް އެހީތެރިކަން ފޯރުކޮށްދިނުމަށް،
- އުރީދޫ އެޕް މެދުވެރިކޮށް ore.do/mf އެމް-ފައިސާއަށް ލޮގިންކޮށްލާ
- ސްމާޓް ޕޭ ހިޔާރު ކުރުމަށްފަހު، ކިއުއާރު ސްކޭންކޮށްލާ
- އެހީގެ ގޮތުގައި ދޭން ބޭނުންވާ އަދަދު ޖެހުމަށްފަހު، ޕޭމަންޓް ފުރިހަމަކޮށްލާ
އުރީދޫން ބުނި ގޮތުގައި ހުރިހާ ނެޓްވޯކެއްގެ ކަސްޓަމަރުންނަށް ވެސް އެމް-ފައިސާ މެދުވެރިކޮށް ފަސޭހަކަމާ އެކު އެހީތެރިކަން ފޯރުކޮށްދިނުމުގެ ފުރުސަތު އޮންނާނެ ކަމަށާއި އެމް-ފައިސާ މެދުވެރިކޮށް ލިބޭ އެހީ ހާލުގައި ޖެހިފައިވާ ފަރާތްތަކަށް ފޯރުކޮށްދިނުމަށް ހަމަޖެހިފައިވަނީ އިންޓަނޭޝަނަލް އެއިޑް ކެމްޕެއިން މޯލްޑިވްސް މެދުވެރިކޮށް ކަމުގައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
