ޖޭޕީގެ ގައުމީ ޖަލްސާގައި ވާހަކަފުޅު ދައްކަވަމުން ގާސިމް ވިދާޅުވީ، މިއަދު އޭނާގެ ވަގުތުތައް ހޭދަކޮށްލަނީ އަނބިންނާއި ދަރިންނާއެކުގައި ކަމަށެވެ. އަދި މިއަދު އެެއްވެސް ކަމެއް މަދުނުވާ ކަމަށް ގާސިމް ވިދާޅުވިއެވެ.
"އަޅުގަނޑުގެ ދަރިންނަކީ އަދި އަޅުގަނޑުގެ އަނބިންނަކީ މި ރާއްޖޭގެ އެއްވެސް މީހަކަށް ލިބިފައިތިބޭބެ އެންމެ އެންމެ ރަނގަޅު ދަރިން، އެންމެ ރަނގަޅު އަނބިން" ގާސިމް ވިދާޅުވިއެވެ.
ގާސިމް އިތުރަށް ވިދާޅުވީ، އޭނާގެ ހުރިހާ ދަރިންނަކީ ވެސް ވަރަށް އަހުލާގު ރަނގަޅު ވަރަށް ކެތްތެރި ބަސްމަދު ދަރިންތަކެއް ކަމަށެވެ. އެމަނިކުފާނު އިތުރަށް ވިދާޅުވީ، ކުދިން ތަރުބިއްޔަތު ކުރެއްވުމުގެ ހުރިހާ ކަމެއް ވެސް ކުރެއްވީ ވެސް އެމަނިކުފާނުގެ އެންމެ ރަނގަޅު އަނބިން ކަމަށެވެ.
ގާސިމްގެ ވަނީ އެމަނިކުފާނަށް ރަނގަޅު އަހުލާގު ރަނގަޅު އަނބިންނާއި ދަރިން ދެއްވި ކަމަށްޓަކައި ﷲގެ ކިބަފުޅަށް ހަމްދާއި ޝުކުރު ކުރައްވާފައެވެ.
