ދަ ގްރޭންޑް ޕްރިންސެސް ކްރޫސް ގައި ދަތުރު ކުރި 71 އަހަރުގެ ފިރިހެނަކު، ކޮރޯނާ ވައިރަސް އާއި ގުޅިގެން ވަނީ ކެލިފޯނިއާ، ސެކްރެމެންޓޯގައި މަރުވެފައެވެ. މަރުވި މީހާއަކީ އެމެރިކާގައި ކޮރޯނާ ވައިރަސް ގެ ސަބަބުން މަރުވެފައިވާ 11 ވަނަ މީހާއެވެ. އަދި ކެލިފޯނިއާގައި ކޮރޯނާ ވައިރަސްގެ ސަބަބުން މަރުވި ފުރަތަމަ މީހާއެވެ.
މަރުވި މީހާ ދަތުރުކުރި ދަ ގްރޭންޑް ޕްރިންސެސް ކްރޫސް ޝިޕް ވަނީ ކޮރޯނާ ވައިރަސްގެ އަލާމާތްތަށް ފެނިގެން ސޭން ފްރޭންސިސްކޯ ކައިރީ ހެލްޑްއޮފް ކުރެވިފައެވެ. މި ކްރޫސާގައި ދަތުރު ކުރަމުން އައި 11 ފަސިންޖަރުންނާއި 10 ކްރޫ މެމްބަރުންނަށް ވަނީ ކްރޫސާ އިން ފޭބުމަށް މަނާކޮށް ކަރަންޓީން ކުރެވިފައެވެ.
މި ކަންކަމާއި ގުޅިގެން ކެލިފޯނިއާގެ ސްޓޭޓް ގަވަރުނަރ ގެވިން ނިވްސަމް ވަނީ އެމަޖެންސީ ސްޓޭޓް އެއް ނެރުއްވާ ވާހަކަ ދައްކަވައިފައެވެ. ކެލިފޯނިއާގައި މިހާރު ކޮރޯނާ ވައިރަސްގެ 35 ކޭހެއް ވަނީ ފެނިގެން ގޮސްފައެވެ. ޕަބްލިކް ހެލްތު އޮފިޝަލުން ވަނީ ކްރޫސާގައި ތިބި މީހުން ސްކްރީން ކޮށް، އެމީހުންގެ ސާމްޕަލް ތަށް ޓެސްޓު ކުރުމަށް ގެންގޮސްފައެވެ.
ދަ ގްރޭންޑް ޕްރިންސެސް ހިންގަމުންދާ ޕްރިންސެސް ކްރޫސެސް އަކީ ޖަޕާން ކައިރީގައި ކޮރޯނާ ވައިރަސް ގެ ސަބަބުން ކުރީމަހު ކަރަންޓީން ކުރެވުނު ޑައިމަންޑް ޕްރިންސެސް ކްރޫސް ވެސް ހިންގަމުންދާ ކުންފުނިއެވެ.
