އާލިއާ ބަޓް އަދި ރަންބީރު ކަޕޫރު
އާލިއާ ބަޓްގެ ފޮޓޯތައް ލީކުވުން: ރަންބީރު ރައްދުދީފި
އައިޝަތު ނޫރާ
11 މާރޗް 2023 - 13:36:36
ޕަޕަރާޒީ ނޫސްވެރިން އާލިއާ ބަޓްގެ ޒާތީ ފޮޓޯތަކެއް ސިއްރުން ނަގައި ލީކުކޮށްލި މައްސަލައިގައި އާލިއާގެ ފިރިމީހާ ރަންބީރު ކަޕޫރު ހޫނު ރައްދެއް ދީފިއެވެ.
މި މައްސަލައިގައި ނޫސްތަކާ ވާހަކަ ދައްކަމުން ރަންބީރު ބުނީ ޕަޕަރާޒީންގެ އަމަލުތައް "ވަރަށް ހުތުރު" ކަމަށެވެ.
"މިއީ ހަމަ ނޫސްވެރިންނާ އާޓިސްޓުންނަށްވެސް ހުތުރު ކަމެއް. މިއީ ބަލައިގަނެވޭނެކަމެއް ނޫން. އިންސާފު ހޯދާނަން،" އޭނާގެ އަންހެނުންގެ ޒާތީ ފޮޓޯތަކެއް ލީކުކޮށްލުމާ ގުޅޭގޮތުން ވާހަކަ ދައްކަމުން ރަންބީރު ބުންޏެވެ.
މިދިޔަ ހަފްތާގެ ތެރޭގައި އާލިއާ ބަޓް އިންޑިއާގެ މުމްބާއީގައި ހުންނަ އެމީހުންގެ ގެެއަށް ގޮސް އުޅެނިކޮށް ޕަޕަރާޒީން ވަނީ އޭނާގެ ފޮޓޯތަކެއް ސިއްރުން ނަގާފައެވެ. ޕަޕަރާޒީން ފޮޓޯ ނަގާކަން ފަޅާއެރީ އާލިއާއަށެވެ. އެ މައްސަލައިގައި އާލިއާ ބަޓް ވަނީ މުމްބާއީ ފުލުހަށް ވެސް މައްސަލަ ހުށަހަޅާފައެވެ.
މި މައްސަލައިގައި އިންސާފު ހޯދުމަށް ކޯޓަށް ދާން ޖެހުނަށް އެކަން ކުރާނެ ކަމަށްވެސް އާލިއާ އަދި ރަންބީރު ވަނީ ބުނެފައެވެ. އާލިއާ ބަޓްގެ ޒާތީ ފޮޓޯތަކެއް ސިއްރުން ނަގާފައިވަނީ އިންޑިއާގެ މަޝްހޫރު ނޫހެއްގެ ޕަޕަރާޒީ ނޫސްވެރިންކަމަށް ރިޕޯޓުތައް ބުނެއެވެ.
71%
ކަމުގޮސްފި
0%
އަޑުއެހިތާ މިހުރީ
14%
ސަތޭކައަކުން ސުމެއް
14%
ވަރަށް ސަލާމް
ކޮމެންޓްސް
