މާހިރާއަށް ޕާކިސްތާނުގެ މަޖިލިސް މެންބަރަކު މީގެ ކުރިން ވެސް ފާޑު ކިޔާފައިވަނީ އޭނާ އިންޑިއާގެ މެގަ ސްޓާ ޝާހުރުކް ހާންއާއެކު 'ރައީސް' ކިޔާ ފިލްމެއް ކުޅެފައިވާތީ އެކަމާ ހިތްހަމަނުޖެހިގެންނެވެ. 

މިއަދު އަނެއްކާވެސް މިފަދަ ފުރައްސާރައެއް ކުރަމުން ބުނެފައިވަނީ މާހިރާއަކީ 'ސިކުނޑި ހަމަނުޖެހޭ' މީހެއް ކަމަށެވެ. އަދި މާހިރާ އަކީ 'ފައިސާއަށް އިންޑިއާގެ ފިލްމީ ތަރިނަށް ހަށިވިއްކާ މީހެއްކަމަށް ވެސް' ޕާކިސްތާނުގެ މަޖިލިސް މެންބަރު މުއަދު ވަނީ ތުހުމަތުކޮށްފައެވެ. 

މިގޮތުން ޓްވިޓާގައި ޑރ.އަފްނާން އުއްލާ ހާން ވަނީ މާހިރާ ހާނާ ދެކޮޅަށް ހަގީގަތްއޮޅޭފަދަ ތުހުމަތުތަކެއް ކޮށްފައެވެ.

މާހިރާއަށް ޕާކިސްތާނުގެ ސިޔާސީ މީހުން ފާޑުކިޔުމާއި ފުރައްސާރަ ކުރިމަތިކުރުވަނީ އެމީހުން އިންޑިއާދެކެ އަންނަ ރުޅިންކަމަށް ޕާކިސްތާނުގެ ނޫސްތަކުން ރިޕޯޓުކޮށްފައިވެއެވެ.