2021 ވަނަ އަހަރު ފޮރިން މިނިސްޓްރީން ކަމެއްވެސް ކޮށްފައިވަނީ މާލިއްޔަތު ގާނޫނާއި ދައުލަތުގެ މާލިއްޔަތު ގަވައިދާ އެއް ގޮތަށް. އަދި ރައްޔިތުންގެ މަޖިލީހުން ފާސްކޮށްފައިވާ ބަޖެޓުގެ މަގްސަދުތައް ހާސިލްވާ ގޮތަށް ކަމަށް ބަޔާންކޮށްފައިވަނީ މިދިޔަ ހަފްތާގައި އާއްމު ކުރި ފޮރިން މިނިސްޓްރީގެ 2021 ވަނަ އަހަރުގެ އޮޑިޓް ރިޕޯޓުގައެވެ.
މާރިޗު މަހުގެ 30 ވަނަ ދުވަހު ޕަބްލިޝް ކުރެއްވި 2021 ވަނަ އަހަރުގެ ފޮރިން މިނިސްޓްރީގެ އޮޑިޓުގައި، އެ މިނިސްޓްރީގެ ހުރިހާ ކަމެއްވެސް ރަނގަޅު ކަމަށް އޮޑިޓަރ ޖެނެރަލް ފާހަގަ ކުރައްވާފައިވާއިރު، ފޮރިން މިނިސްޓްރީގެ 2020 ވަނަ އަހަރުގެ ހުރިހާ ކަމެއްވެސް ކޮށްފައިވަނީ ރަނގަޅަށް ކަމަށް 2020 ވަނަ އަހަރުގެ އޮޑިޓުގައިވެސް ފާހަގަކޮށްފައިވެއެވެ.
2020 އަދި 2021 ގައިވެސް ފޮރިން މިނިސްޓްރީގެ އޮޑިޓްގައި ހުރިހާ ކަމެއްވެސް ރަނގަޅު ކަމަށް ފާހަގަ ކުރައްވާފައިވީނަމަވެސް އޭގެ ކުރީ އަހަރު، ފޮރިން މިނިސްޓްރީގެ ހަރު މުދަލުގެ ހިސާބު ރަނގަޅަށް ނެތްކަން އެ އަހަރުގެ އޮޑިޓުގައި ފާހަގަކޮށްފައިވެއެވެ.
