ނަމަވެސް އެކަން ކުރުމުގެ ކުރިން ރާއްޖޭގެ އިގްތިސާދީ ހާލަތަށް ވިސްނަން ޖެހޭ ކަމަށް އޭނާ ވިދާޅުވި އެވެ. އަދި އެކަމުން ރާއްޖެއަށް ލިބޭނީ ފައިދާތޯ ނުވަތަ ގެއްލުންތޯ ބެލުމަށް ކުރީގެ ރައީސް އިބްރާހިމް މުހައްމަދު ސޯލިހާއި ކުރީގެ އިކޮނޮމިކް މިނިސްޓަރު ފައްޔާޒް އިސްމާއިލާއި ކުރީގެ ފިނޭންސް މިނިސްޓަރު އިބްރާހިމް އަމީރުގެ ލަފާ ހޯދަން ބޭނުންވާ ކަމަށް ވެސް ވިދާޅުވި އެވެ.
ސައުދުﷲ ވިދާޅުވީ މެންބަރެއްގެ ހައިސިއްޔަތުން އިސްލާމްދީނާއި ދިވެހި ގައުމާއި ރައްޔިތުން ދިފާއުކުރުމަށް އިސްކަންދޭނެ ކަމަށެވެ. އަދި އާންމު ރައްޔިތުންނަށް ދެރައެއް، ގެއްލުމެއް، ނިކަމެތިކަމެއް ވެދާނެ އެއްވެސް ކަމަކަށް ތާއީދެއް ނުކުރައްވާނެ ކަމަށް ވެސް ވިދާޅުވި އެވެ.
އިސްރާއީލް ޕާސްޕޯޓު މަނާކުރުމަށް މަޖިލީހަށް ހުށަހަޅާފައިވާ ބިލުގައި ވަނީ އިސްރާއީލް ޕާސްޕޯޓާއި އެހެން ގައުމެއްގެ ޕާސްޕޯޓެއް އޮތް އިސްރާއީލްގެ ރައްޔިތަކު ވެސް ރާއްޖެ އެތެރެވުމުގެ ހުއްދަ ނެތް މީހެއްގެ ގޮތުގައި ކަނޑައަޅަން ހުށަހަޅާފަ އެވެ. މި ބިލު ހުށަހެޅީ ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމެވެ.
