ޖިސްމާނީ ގޮތުން ނުވަތަ ނަފްސާނީ ގޮތުން ދުޅެހެޔޮކޮށް ހުރުމަށް ގިނަ ފަހަރު މަސައްކަތް ކުރެވޭއިރު, ނަފްސާނީ ގޮތުން ދުޅަހެޔޮކޮށް ހުރުމަށް މަސައްކަތްތަކެއް ކުރަންޖެހެއެވެ.
މިގޮތުން ނަފްސާނީ ދުޅަހެޔޮކަން ދެމެހެއްޓުމުގެ ގޮތުން, ކުރަން އެންމެ މުހިންމު އެއްކަމަކީ މާޔޫސްކަމުން ސިކުނޑި ދުރުހެލިކުރުން ނުވަތަ 'ސްޓްރެސް ފްރީ' ވުމެވެ.
ޕާކެއްގައި އިން އަންހެނެއް:
މާޔޫސްކަމުން ދުރުވެވޭނެ ބައެއް އުކުޅުތައް:
މާޔޫސްކަމުން ދުރުހެލިވުމަކީ ދިރިއުޅުމުގައި ކަންކަމުގެ އެއްހަމަ މިންގަނޑެއް ހޯދުމަށް އެހީތެރިވެދޭނެ ކަމެކެވެ.
މައިންޑްފުލްނެސް:
މައިންޑްފުލްނެސް އަކީ ސްޓްރެސް ކުޑަކުރުމާއި ރިލެކްޝަން ޕްރޮމޯޓް ކުރުމަށް ބޭނުންކުރާ ވަރުގަދަ އުކުޅެކެވެ.
މި އުކުޅު ބޭނުންކުރުމަށް މުވަގުތަށް ނުވަތަ 'ޕްރެޒެންޓަށް' ސަމާލުކަން ދިނުން މުހިންމެވެ.
މިގޮތުން މާޒީގައިވެފައިވާ ކަންކަމާ މެދު ފިކުރު ކުރުމުގެ ބަދަލުގައި މިހާރު ތިމާ ހުރި ހާލަތުން ލިބިފައިހުރި އުފާތަކާމެދު ވިސްނާށެވެ.
މެޑިޓޭޝަން އަދި ފުން ނޭވާލުމުގެ ކަސްރަތުތައް ދަސްކޮށްގެން ކުރާށެވެ. ފުންކޮށް ނޭވާލުމަށް ހާއްސަ ވަގުތުކޮޅެއް ހާއްސަކޮށްގެން, ތިމާގެ ހިއްސުތަކާއި ވަށައިގެންވާ މާހައުލަށް ފޯކަސް ކުރުމުން މާއިންޑްފުލްނެސް ކުރެވިދާނެ އެވެ.
އަންހެނަކު ރިސޯޓެއްގެ ބީޗުގައި ކަސްރަތުކުރަނީ
ގަވާއިދުން ކަސްރަތުކުރުން:
ކަސްރަތަކީ ހަމައެކަނި ޖިސްމާނީ ސިއްހަތަށް ރަނގަޅު ކަމެއް ނޫނެވެ. އެއީ ސްޓްރެސް މެނޭޖްކުރުމުގެ ފައިދާހުރި އުކުޅަކަށް ވެސް ވެދާނެ ކަމަށެވެ. ކަސްރަތު ކުރުމުން އެންޑޯފިންސް ދޫކުރާއިރު، މިއީ ގުދުރަތީ މޫޑް ބޫސްޓަރެކެވެ. އަދި ގަވާއިދުން ޖިސްމާނީ ހަރަކާތްތެރިވުމަކީ ހަށިގަނޑުގައި ހުންނަ ސްޓްރެސް ހޯރމޯންތައް މަދުކުރުމަށް އެހީތެރިވެދޭ ކަމެކެވެ. ކުރު ހިނގުމެއް ނުވަތަ މަދު މިނިޓެއްހާއިރު ސްޓްރެޗް ކުރުމަކީ ވެސް ސްޓްރެސް ފިލުވައިދީ މޫޑު ރަނގަޅު ކުރުމަށް އެހީތެރިވެދޭނެ ކަމެކެވެ.
އެކަށީގެންވާ ނިދި ހޯދުން: ނިދި މަދުވުމަކީ ސްޓްރެސް ލެވެލް ގޯސްވެދާނެ ކަމެއް ކަމުން އެކަށީގެންވާ ވަރަށް އަރާމު ކުރުމަށް އިސްކަން ދިނުމަކީ ކޮންމެހެން ކުރަންޖެހޭ ކަމެކެވެ. ރޭގަނޑަކަށް ހަތް ގަޑިއިރާއި އަށް ގަޑިއިރާއި ދެމެދުގެ ގަޑިއިރު ނިދުމަށް އަމާޒު ހިފާ، ނިދާއިރު އަރާމު ކުރުމަށް މަގުފަހިވާ ގޮތަށް ރޫޓިންއެއް ގާއިމް ކުރާށެވެ. މީގެ ތެރޭގައި ފެންވަރާލުމާއި، ފޮތެއް ކިޔުމާއި، ނުވަތަ ހަމަޖެހޭ މިއުޒިކް އަޑުއެހުން ހިމެނިދާނެއެވެ.
ޙަޤީޤީލަނޑުދަނޑިތައް ކަނޑައެޅުން: އަމިއްލައަށް ލަނޑުދަނޑިތައް ކަނޑައެޅުމަކީ މުހިންމު ކަމެއް ނަމަވެސް އެ ލަނޑުދަނޑިތަކަކީ ހާސިލްކުރެވޭނެ ލަނޑުދަނޑިތަކެއްކަން ޔަޤީންކުރުން ހަމަ އެހާމެ މުހިންމެވެ. ހަގީގަތާ ހިލާފު ލަނޑުދަނޑިތައް ކަނޑައެޅުމަކީ ނާކާމިޔާބީގެ އިހްސާސްތައް އުފެދި ސްޓްރެސް ލެވެލް އިތުރުވެދާނެ ކަމެކެވެ. އޭގެ ބަދަލުގައި ބޮޑެތި ލަނޑުދަނޑިތައް ކުދިކުދި، މެނޭޖްކުރެވޭ ފިޔަވަޅުތަކަށް ބަހާލައިގެން، މަގުމަތީގައި ކޮންމެ މައިލްސްޓޯނެއް ފާހަގަކުރާށެވެ.
ނިދުން
އެހީތެރިކަން ދޭނެ މީހުންނާ ގުޅުން: ނަފްސާނީ ސިއްހަތާއި ދުޅަހެޔޮކަމަށް އިޖުތިމާއީ ސަޕޯޓަކީ ކޮންމެހެން ބޭނުންތެރި އެއްޗެކެވެ. އަޑުއަހާ ކަންފަތެއް ފޯރުކޮށްދީ، ސްޓްރެސް އާއި ކުރިމަތިލާން އެހީތެރިވެދޭ ސަޕޯޓިވް ރައްޓެހިންނާއި އާއިލާގެ މެމްބަރުންނާ ގުޅިގެން މަސައްކަތް ކުރާށެވެ. އަދި ސްޓްރެސް އާއި އެހެނިހެން މައްސަލަތަކުގެ ތެރެއިން މަސައްކަތް ކުރުމަށް ސަޕޯޓް ގްރޫޕަކާ ގުޅުމަށް ނުވަތަ ތެރަޕިސްޓަކާ ވާހަކަ ދެއްކުމަށް ވެސް ވިސްނާފާނެ އެވެ.
މި ސްޓްރެސް މެނޭޖްމަންޓް ޓެކްނިކްސް ޕްރެކްޓިސް ކުރުމުން އަންހެނުންނަށް ސްޓްރެސް ލެވެލް ކޮންޓްރޯލްކޮށް، ޖުމްލަ ދުޅަހެޔޮކަން ރަނގަޅު ކުރެވޭނެ އެވެ. އަމިއްލަ ނަފްސަށް ފަރުވާތެރިވުމަށް އިސްކަންދީ އަމިއްލައަށް ވަގުތު ނެގުމަކީ" އޯކޭ " ކަމެއްކަން ހަނދާން ކުރާށެވެ. ރަނގަޅު ވަސީލަތްތަކާއި ސަޕޯޓާއެކު ސްޓްރެސް މެނޭޖްކޮށް، އިތުރަށް ފުރިހަމަ ދިރިއުޅުމެއް އުޅެވޭނެ އެވެ.
