ޒަމާނުއްސުރެ މާލޭގައި ބާއްވަމުން އަންނަ ބައިބަލާ މުބާރާތް މިއީ ހުޅުމާލޭގައި ބާއްވާ ފުރަތަމަ ފަހަރެވެ. މީގެ ކުރިން ކޮންމެ ބޭއްވި 25 މުބާރާތް ވެސް ބާއްވައިފައި ވަނީ މާލޭގަ އެވެ.
ހުޅުމާލޭގައި މުބާރާތް ބާއްވަނީ އާބަންކޯގެ އެހީތެރިކަމާ އެކު އެވެ. މުބާރާތް އޮންނަނީ ހުޅުމާލޭ ސެންޓްރަލް ޕާކް ސަރަހައްދުގައެވެ.
ނޮކައުޓް އުސޫލުން ކުރިއަށް ގެންދާ މި މުބާރާތް ހޮނިހިރު ދުވަހުގެ ރޭ ފެށިފައިވާއިރު، ފައިނަލް މެޗުތައް މި މަހުގެ 28 ވަނަ ދުވަހުގެ ރޭ ބާއްވަންވަނީ ޝެޑިއުލްކޮށްފައެވެ.
ބައިބަލާގެ ރަސްގެފާނުގެ ގޮތުގައި މަޝްހޫރު ބީޖީ ސްޕޯޓްސް ކްލަބް އަހަރުތަކަކަށް ފަހު މިދިޔަ އަހަރުގެ މުބާރާތުން ފެނުނު ނަމަވެސް މި އަހަރުގެ މުބާރާތުގައި އެ ޓީމުން ބައިވެރި ވެފައެއް ނުވެ އެވެ.
ބީޖީ ސްޕޯޓްސް ކްލަބަކީ ރެކޯޑް 10 ފަހަރު މުބާރާޓް ކާމިޔާބު ކޮށްފައިވާ ޓީމެކެވެ. ބީޖީ ބައިވެރި ނުވިޔަސް އެ ކްލަބަށް ނިސްބަތްވާ ދެ ޓީމު ކަމަށްވާ ބީޖީ ނެކްސްޓް ޖެނެރޭޝަނާއި ބީޖީ ނިއު ޖެނެރޭޝަން ވަނީ މުބާރާތުގައި ބައިވެރިވެފައެވެ.
