ކިންގްސްޓަން އަޕަން ތޭމްސްގައި އަންހެނަކު ރޭޕްކުރި މީހާ ވަނީ 13 އަހަރަށް ޖަލަށްލާން ހުކުމްކޮށްފައެވެ.  

އެމީހާގެ މައްޗަށް ރޭޕްގެ ކުށް ސާބިތުވީ މެއި މަހުގެ 13 ވީ ހުކުރު ދުވަހު ކިންގްސްޓަން ކްރައުން ކޯޓުގަ އެވެ.

ކޯޓުގައި އިއްވި ހުކުމުގައި ބުނެފައި ވަނީ 2002 ވަނަ އަހަރުގެ ފެބްރުއަރީ މަހުގެ 24 ވަނަ ދުވަހު ކިންގްސްޓަންގެ ގެއިން އަންހެން މީހާއަށް ހަމަލާދީފައި ވާއިރު، އެ އަންހެން މީހާ ނިދާފައި އޮއްވާ އެމީހާ އޭނާގެ ގެއަށް ވަދެ ރޭޕް ކުރި ކަމަށެވެ. އެ ހަމަލާގެ ތެރޭގައި އަންހެން މީހާ ހޭލައިގެން ހަޅޭއްލަވައިގަތް ނަމަވެސް އެމީހާ ވަނީ ފިލައިގެން ގޮސްފައެވެ.

އެ އަންހެން މީހާއަށް އެ ފިރިހެން މީހާގެ ސިފައެއް ފުލުހުންނަށް ފޯރުކޮށްދިނުމަށް ފަހު، އޭގެ ދުވަސްކޮޅެއް ފަހުން އޭނާ ވަނީ ހައްޔަރުކޮށްފަ އެވެ. އެމީހާގެ ޑީއެންއޭ ފެނިފައިވަނީ އެ މީހާގެ ޑީއެންއޭ ޖަރީމާ ހިންގި ތަނުން ކަމަށާއި، އެމީހާގެ މައްޗަށް ވަނީ ރޭޕްގެ ދައުވާ އުފުލާފައެވެ.

އެމީހާ އެ ދައުވާއަށް އިންކާރު ކުރި ނަމަވެސް ކިންގްސްޓަން ކްރައުން ކޯޓުގެ ޖޫރީން ވަނީ އޭނާގެ މައްޗަށް ކުށް ސާބިތުވާކަމަށް ނިންމާފައެވެ.

ގާޒީ ވިދާޅުވީ އެމީހާގެ އަމަލުތަކާ މެދު "ނަފްރަތެއް" ދައްކާފައި ނުވާ ކަމަށާއި އޭނާއަކީ އަންހެނުންނަށް "ބޮޑު ނުރައްކަލެއް" ކުރިމަތިވާ މީހެއް ކަމަށެވެ. އަދި އެމީހާގެ އަމަލުތަކުގެ ސަބަބުން ޝިކާރައަކަށް ވެފައިވާ މީހާއަށް "ފަނާކުރަނިވި" އަސަރުތަކެއް ކޮށްފައިވާ ކަމަށް ވެސް ގާޒީ ވިދާޅުވި އެވެ.

ޝިކާރައަކަށް ވެފައިވާ އަންހެން މީހާ ވަނީ އެމީހާ ޖަލަށްލާފައިވާތީ " ލުއި" ލިބިފައިވާ ކަމަށާއި ދެން ދުވަހަކުވެސް އެހެން މީހަކަށް އަނިޔާއެއް ނުދެވޭނެ ކަމަށް އުންމީދު ކުރާ ކަމަށް ބުނެފަ އެވެ. އަދި ޖިންސީ އަނިޔާގެ މައްސަލައަށް މީހުން ހޭލުންތެރިކުރުމަށާއި ޝިކާރައަކަށްވާ އެހެން މީހުން ކުރިއަށް އައުމަށް ހިތްވަރު ދިނުމަށް ބޭނުންވާ ކަމަށް ވެސް އޭނާ ވަނީ ބުނެފައެވެ.