އައްޑޫ ގަން އިންޓަނޭޝަނަލް އެއާޕޯޓް ތަަރައްގީކުރަން ފެށުމަށް މިއަދު ގަމުގައި ބޭއްވި ރަސްމިއްޔާތުގައި ރައީސް ވިދާޅުވީ އެޕްރީލް 1، 1957ން ފެށިގެން އައްޑޫ ގަމަށް މަތިންދާބޯޓު ތިރިކޮށް އުދުއްސާ ހަދާފައިވާ ކަމަސައި އެހެންކަމުން ގަން އެއާޕޯޓަކީ 66 އަހަރަށްވުރެ ދޮށީ އެއަރޕޯޓެއް ކަމަށެވެ. 

ރައީސް ވިދާޅުވީ މިއީ އިންޑިއާ ކަނޑުގެ ދެކުނުގައި ވަނިކޮށް ބަޔަކަށް ފެންނާނެ، އިސްތިރާޖީ ގޮތުން އެންމެ މުހިންމު އެއް ޕޮއިންޓްކަމަށާއި އިނގިރޭސިން ގަން ހިޔާރުކުރީވެސް އެ ސަބަބަށްޓަކައިކަމަށެވެ.

އިނގިރޭސީން ފައިބައިގެން ދިޔައިރު އޭރު އެ އޮތް ބިނާގެ މައްޗަށް ތެދުނިޔަތަކާއެކު އައްޑޫ ބިނާކުރިނަމަ، މިއަދު މިކުރާ މަސައްކަތް ކުރާކަށް ނުޖެހޭނެކަމަށްވެސް ރައީސް ވިދާޅުވިއެވެ.

ނަމަވެސް ފެންނަން އޮތް ހަގީގަތް ކިތަންމެހާވެސް ހިތިކަމަށާއި އައްޑޫ، ހުވަދޫ އަދި ފުވައްމުލަކަކީ، ރާއްޖޭގެ ދެކުނުކޮޅުކަމަށް ވާއިރު އިހްލާސްތެރި ތެރިކަމާއެކު ތެދުވެރި މަސައްކަތްތަކެއް ކުރެވުނުނަމަ، މިއަދު 65 އަހަރު ފަހުން މި ރަސްމިއްޔާތު ބާއްވާކަށް ނުޖެހޭނެކަމަށްވެސް ރައީސް ވިދާޅުވިއެވެ.