ނަވާޒުއްދީން ކައިރިން ދުރުވުމަށް މަސައްކަތް ކުރާ އާލިޔާ އޭނާގެ އާ އެކުވެރިޔާ ސޯޝަލް މީޑިއާގައި ތައާރަފްކޮށްދިނުމުން، ނަވާޒުއްދީންގެ ފޭނުން ވަނީ އާލިއާއަށް ވަރަށް ބޮޑަށް ފާޑުކިޔާފައެވެ.
ނަވާޒުއްދީންގެ ފޭނުން ވަނީ ވަރިނުވަނީސް އާލިޔާ މާ އަވަހަށް ކުރިއަށް ދިޔަ ކަމަށް ތުހުމަތުކޮށް އެ ފޮޓޯއާ ގުޅޭ ގޮތުން ކޮމެންޓް ކުރަން ފަށާފައެވެ.
ބައެއް ސަޕޯޓަރުން ވަނީ އާލިއާއަކީ މުއްސަނދިން ފަހަތުން ދުވާ މީހެއް ކަމަށް ވެސް ބުނެފަ އެވެ. އެ ފާޑުކިޔުންތަކަށް އާލިޔާ ރައްދު ނުދިން ނަމަވެސް އޭނާ ވަނީ ރަންވީރާ އެކު ނަގާފައިވާ ފޮޓޯތައް ސޯޝަލް މީޑިއާގައި އާންމުކޮށްފައެވެ.
އާލިޔާ އާއި ނަވާޒުއްދީން ވަރިވިވުމުގެ އެންމެ ފަހުގެ މަރުހަލާ މިހާރު ކޯޓުގައި ކުރިއަށްދާއިރު އެ ދެމީހުންގެ ކައިވެންޏަށް ވަނީ 11 އަހަރު ވެފައެވެ.
ނަވާޒުއްދީން އަދި އާލިއާ
އާލިއާ އެންމެ ފުރަތަމަ ވަރިއަށް އެދި ހުށަހެޅީ 2019 ވަނަ އަހަރުއެވެ. ސުލްހަނުކުރެވޭ ހިޔާލުތަފާތުވުންތަކެއް ހުރިކަމަށް ބުނެއެވެ.
އާލިޔާ ވަނީ ވަރިވުމުގެ ކުރިން ގެވެށި އަނިޔާ އާއި ހިޔާނާތުގެ ތުހުމަތު ނަވާޒުއްދީންގެ މައްޗަށް ކޮށްފައެވެ. ނަވާޒުއްދީން ވަނީ އެ ތުހުމަތުތައް ދޮގުކޮށްފަ އެވެ. ވަރިވުމުގެ މަރުހަލާ އަދިވެސް ދަނީ ކުރިއަށެވެ.
