ރާއްޖޭގެ ހާލަތު މިހާރު އޮތީ ރާއްޖޭގެ މިނިވަންކަމާއި އިސްތިގްލާލަށް ބޭރުގެ ނުފޫޒު ފޯރާފައިކަމަށާއި ރާއްޖެ އޮތީ ނުރައްކާތެރި ފައްތަރެއްގައިކަމަށް ވިދާޅުވެ ގާސިމް އިބްރާހިމް ވަނީ ވަރަށް ބޮޑަށް ސަރުކާރަށް ފާޑުވިދާޅުވެފައެވެ.
އެގޮތުން ގާސިމް ވިދާޅުވީ ޖޭގެ މިނިވަންކަމާއި އިސްތިގްލާލަށް ބޭރުގެ ނުފޫޒުފޯރާ ރާއްޖޭގެ ކަނޑުގެ ސަރަހައްދުން ބައެއް ގެއްލިގެން ގޮސްފައިވާކަމަށެވެ.
ރައީސް ސާލިހުގެ ސަރުކާރުގައި ކޮރަޕްޝަނާއި ފަސާދަ އިންތިހާއަށް މައްޗަށް ގޮސްފައިވާކަމަށް ވެސް ގާސިމް ވިދާޅުވިއެވެ.
މި ހުރުރިހާ ވަހަކަތަކެއް ދައްކަވައި ރައީސް ސާލިހުގެ އިސްތަށިފުޅުގައި އަދި ސަރުކާރުގައި ބޮޑު 'ވަގު' އިލްޒާމެއް އެޅުވިއިރު، މި ސަރުކާރުގެ ޓްރާންސްޕޯޓު މިނިސްޓަރު ފާތިމަތު ނަހުލާ ވަނީ އަތްޖައްސަވާ ގާސިމްގެ ވާހަކަތަކަށް ތާއީދު ކުރައްވާފައެވެ.
ގާސިމް އިބްރާހިމް އަށް ރޭ ޖުމްހޫރީ ޕާޓީގެ ޓިކެޓު އަރުވާފައިވާއިރު، ޖުމްހޫރީ ޕާޓީއަކީ ސަރުކާރުގެ ކޯލިޝަނުގެ މެންބަރެކެވެ.
ޖުމްހޫރީ ޕާޓީން ރޭ ބޭއްވިޖަލްސާގެ ތެރެއިން
ސަރުކާރާ ދެކޮޅަށް މަސައްކަތް ކުރާނަމަ ސިޔާސީ މަގާމުތަކުން ދުރުކުރާނެކަމަށް މީގެ ކުރިން ސަރުކާރުން ވަނީ އިންޒާރު ދީފައެވެ. ނަމަވެސް ޖުމްހޫރީ ޕާޓީގެ އެއްވެސް މެންބަރަކާމެދު މި ސަރުކާރުން އަދި ފިޔަވަޅެއް އަޅާފައެއްނުވެއެވެ.
ރޭގެ އިވެންޓްގެ އިތުރުން ވެސް ޖޭޕީގެ ކެމްޕެއިން ހަރަކާތްތަކުގައި މިނިސްޓަރު އައިޝާ ގެންދަވަނީ އިސްކޮށް ބައިވެރިވެވަޑައިގެން އެ ހަރަކާތްތައް ރާވާ ހިންގެވުމުގައި އިސްރޯލެއް އަދާކުރައްވަމުންނެވެ. އަދި އެފަދަ ހަރަކާތްތަކުގައި ސަރުކާރަށް ގެންދަނީ ޖޭޕީގެ އެކި ބޭފުޅުން ވަރަށް ބޮޑަށް ފާޑުވެސް ކިޔަމުންނެވެ.
