ޑިމޮކްރޭޓްސްގެ ފަރާތުން ނެރުނު ނޫސްބަޔާނެއްގައި ބުނެފައިވަނީ ކުޑަކުދިންނާ އަންހެނުންނާއި އެހެނިހެން ފަރާތްތަކަށް ކުރާ ޖިސްމާނީ، ނަފްސާނީ އަދި ޖިންސީ އަނިޔަތައް އިތުރުވެފައިވާކަމަށެވެ.
ކުޑަކުދިންގެ ހައްގުތަޖަށް ރައްކާތެރިކުރުމާ، އަންހެނުންނަށް ކުރާ އަނިޔާ އާއި، އަންހެނުންނާމެދު ގެންގުޅޭ ތަފާތުކުރުންތައް ނައްތާލުމާބެހޭ ބައިނަލްއަގުވާމީ މުއާހަދަކާއި، އިންސާނީ ހައްގުތަކުގެ އާލަމީ އުސޫލުތައް ދިވެހިރާއްޖެއިން ވެސް ބަލައިގެންފައިވާއިރު، ދިވެހިރާއްޖޭގެ ގާނޫނު ތަކާއި ގާނޫނު އަސާސީން ވެސް އަނިޔާލިބޭ ފަރާތްތަކަށް ރައްކާތެރިކަން ކަށަވަރުކޮށްދީފައިވާކަމަށް އެ ބަޔާނުގައި ބުނެފައިވެއެވެ.
އެ ޕާޓީން ވަނީ ބައިނަލްއަގުވާ މުއާހަދާތަކުން ލިބެ ހައްގުތަކާއި، ރާއްޖޭގެ ގާނޫނު އަސާސީއާއި ގާނޫނުތަކުން ލިބޭ ހައްގުތައް ރާއްޖޭގައި ކަށަވަރުކުރުމަށް ވެސް އެ ޕާޓީގެ ބަޔާނުގައި ވަނީ ގޮވާލާފައެވެ.
ދަ ޑިމޮކްރޭޓްސް އިން މިހެން ބުނެފައިވާއިރު، އެ ޕާޓީ ރެޖިސްޓްރީ ނުވެ އިލެކްޝަންސް ކޮމިޝަން ވަނީ މަރުތަޅެއް އެޅިފައެވެ. އެ ކޮމިޝަން މަރުތަޅު އެޅިފައިވަނީ ކޮމިޝަނުގެ ޖަލްސާތަކަށް ވަޑައިގަންނަވަން ދެ މެންބަރަކު އިދިކޮޅު ހަދާތީއާއި، އެ ކޮމިޝަނުގެ އެއް މެންބަރަކު ހައްޖަށް ވަޑައިގެން އުޅުއްވާތީއެވެ.
