މަންޑޭ ހައްޔަރުކުރީ އޭނާ ފިލަން އުޅޭ ކަމަށް ފުލުހުންނަށް ލިބުނު މައުލޫމާތަކާ ގުޅިގެން ހުޅުމާލެ މެޖިސްޓްރޭޓް ކޯޓުން ނެރުނު އަމުރެއްގެ ދަށުންނެވެ.
މަމްދޫހު ހައްޔަރުކޮށްފައި ވާއިރު އޭނާގެ ޕާސްޕޯޓު ދޫކޮށްލުމަށް ކްރިމިނަލް ކޯޓުން އިއްޔެ ވަނީ އަމުރުވެސް ކޮށްފަ އެވެ.
ފުލުހުން މިއަދު އޭނާ ހޯދަން ކުރި މަސައްކަތުން އޭނާ ފެނުނީވެސް އެތައް އިރެއް ފަހުން ކަމަށް ސީއެންއެމް އަށް ވަނީ އެނގިފައިވެ އެވެ.
ކްރިމިނަލް ކޯޓުން އިއްޔެ އަމުރު ނެރުމާ އެކު ރާއްޖެއިން ފުރައިގެން ދިއުމަށް މަންޑޭ މަސައްކަތް ކުރި ކަމަށް އިތުބާރު ހުރި ބައެއް ފަރާތްތަކުން އަވަސް އަށް ޔަގީންކޮށްދީފައިވެ އެވެ.
ކްރިމިނަލް ކޯޓުން މަމްދޫހުގެ ޕާސްޕޯޓް ދޫކޮށްލުމަށް އިއްޔެ އަމުރުކުރީ ޒަރޫރީ ބޭނުމެއްގައި އޭނާ ރާއްޖެއިން ބޭރަށް ދާން ޖެހުމާ ގުޅިގެން ކުރީގެ އަމުރު މުރާޖައާ ކުރުމަށްފަހު 45 ދުވަސް ތެރޭގައި އެނބުރި ރާއްޖެ އައުމަށް ޝަރުތުކުރުމަށްފަހު އެވެ.
މަމްދޫހުގެ ޕާސްޕޯޓު ހިފަހައްޓާފައިވަނީ "ކޭ ޕާކް ރެޒިޑެންސް" ފްލެޓްތަކުގެ މަޝްރޫއު ކުރިއަށް ގެންދާ ހަންބޯ ކޮމްޕެނީ ޕްރައިވެޓް ލިމިޓެޑުގެ މައި ހިއްސާދާރު އަދި ޗައިނާގެ ވިޔަފާރިވެރިއެއް ކަމަށްވާ ޖިން ޝިހޫ ފުލުހުންނަށް ހުށަހެޅީ މައްސަލަ ތަހުގީގުކުރާތީ މިދިޔަ މެއި މަހުގެ ފުރަތަމަ ހަފްތާގެ ތެރޭގަ އެވެ.
ހަންބޯ ކޮމްޕެނީ ޕްރައިވެޓް ލިމިޑެޓުގެ 95 ޕަސަންޓް ހިއްސާދާރަކީ އަދި މެނޭޖިން ޑިރެކްޓަރަކީ ޖިން ޝިހޫ އެވެ. މައިނޯރިޓީ ހިއްސާދާރަކީ މަމްދޫހު އެވެ. އެއީ ފަސް ޕަސެންޓް ހިއްސާ އެވެ.
