މުލަކުގައި ރޭ ބޭއްވި މްޕެއިން ޖަލްސާގައި ވާހަކަފުޅުދައްކަވަމުން ރައީސް ވިދާޅުވީ އެ ރަށުގައި މިފްކޯގެ މަސް ކަލެކްޓިން ސެންޓަރެއް ހަދަން ވިސްނާފައިވާނެ ކަމަށެވެ.
ރައީސް ވިދާޅުވީ މުލަކު ބަނދަރު ގާތްގަނޑަކަށް ނިމުމަކާ ހިސާބަށް ގޮސްފައިވާކަމަށެވެ. އެ އަތޮޅުގެ މަސްވެރިންނަށް އަމާޒުކޮށް ދެން ދެން އޮތީ ފްރީޒިން ކެޕޭސިޓީ އާއި ކޯލްޑް ސްޓޯރޭޖު ގާއިމުކުރުންކަން ރައީސް ފާހަގަކުރެއްވިއެވެ. އެ މަސައްކަތް މިހާރު އޮތީ ޓެންޑާ ކުރެވިފައި ކަމަށް ރައީސް ވިދާޅުވިއެވެ.
"އެކަން ނިމެންދެން މަސްވެރިން އެދުނުގޮތަށް މި ސަރަހައްދުން މަސްގަނެވޭނެ ކަލެކްޓިން ވެސަލްއެއް ބޭއްވުމުގެ މަސައްކަތް އަޅުގަނޑު ފަށާނަން. މިފްކޯއަށް އަލަށް އެ ގެންނަ ތިން ބޯޓުގެ ތެރެއިން އިރާދަކުރެއްވިއްޔާ އެއް ބޯޓު އަޅުގަނޑުމެން ބާއްވާނީ މި ސަރަހައްދުގައި،" -ރައީސް ސާލިހު-
ރައީސް މ އަތޮޅަށް ކުރައްވަމުން ގެންދަވާ ދަތުރުފުޅުގައި އިއްޔެވެސް ވަނީ އެ އަތޮޅުގެ ގިނަ ރަށްރަށް ވަޑައިގެންފައެވެ. ރައީސް ސޯލިހު މ އަތޮޅަށް ކުރައްވަމުންގެންދަވާ ދަތުރުފުޅުގައި މިވަގުތު ހުންނެވީ މ ވޭވަށުގައެވެ. އެމަނުކުފާނަށް ވަނީ ވަރަށް ހޫނު މަރުހަބާއެއް އެ ރަށުން ދަންނަވާފައެވެ.
