މެސީ
ފުރަތަމަ މެޗުގައި ލަނޑުޖަހައި މެސީ ކްލަބު މޮޅުކޮށްދީފި
ސްޕޯޓްސް ޓީމް
22 ޖުލައި 2023 - 11:20:25
އިތުރު ވަގުތުގެ ފަހު މިނެޓުގައި މެސީ ޖެހި މޮޅު ފްރީކިކަކުން މެސީގެ އާ ކްލަބުގެ ފުރަތަމަ މެޗުން އެ ޓީމު މޮޅުވެއްޖެއެވެ.
Advertisement
އެމެރިކާ ލީގުގެ އިންޓަ މިޔާމީއަށް ބަދަލުވެ މެސީ ކުޅުނު ފުރަތަމަ މެޗަކީ ރޭ ފަތިރު ލީގްސް ކަޕްގައި މެކްސިކޯގެ ކްރޫޒް އަޒުލްއާ ދެކޮޅަށް ކުޅުނު މެޗެވެ.
މި މެޗުގައި މެސީ ކުޅެން ނުކުތީ ބަދަލު ކުޅުންތެރިއެއްގެ ގޮތުގައެވެ. މެޗުގެ ނަތީޖާ މެސީ އަނބުރާލީ މެޗުގެ އެންމެ ފަހު ސިކުންތުކޮޅުގެ ތެރޭގައި ލިބުނު ހިލޭ ޖެހުމަކުންނެވެ. 94 ވަނަ މިނިޓުގައި މި ހިލޭ ޖެހުން ލިބުނު އިރު ދެ ޓީމުވަނީ އެއް ލަނޑު އެއް ލަނޑުން އެއްވަރުވެފައެވެ.
މެސީވަނީ ފަސޭހަކަމާއެކު މި ހިލޭ ޖެހުން، ގޯލު މަތީ ކަނަށް ވައްދާލައިގެން އޭނާގެ އާ ކްލަބު މޮޅު ކޮށްދީފައެވެ. ލަނޑު ޖެހުމަށް ފަހު ގޯލް ސެލެބްރޭޓް ކުރީ އޭނާގެ ދަރިންނާއެކުއެވެ.
57%
ކަމުގޮސްފި
0%
އަޑުއެހިތާ މިހުރީ
29%
ސަތޭކައަކުން ސުމެއް
14%
ވަރަށް ސަލާމް
ކޮމެންޓްސް
