ޖުޑީޝަލް ސާވިސް ކޮމިޝަނުން މިއަދު ބުނީ ހދ. ޖުޑީޝަލް ދާއިރާގެ އިސްމެޖިސްޓްރޭޓް އަލީ އާދަމްއާ ގުޅޭގޮތުން ތަޙުޤީޤު ކުރި މައްސަލައިގައި، އެ އަންހެން މީހަށް ގުޅައި މެސެޖު ކުރުމަށްފަހު މެސެޖުތައް ޑިލީޓުކުރުމަށް އެދިފައިވާކަމަށެވެ.
އޭނާ ދެމަފިރިންނާ ގުޅޭ ޒާތީ މައުލޫމަތު އަހައި ޒާތީ މެސެޖުވެސް ކޮށްފައިވާކަމަށެވެ.
މި މައްސަލައިގައި ތަހުގީގަށް ލިބިފައިވާ މެސެޖުތަކުގެ ސްކިންޝޮޓާއި، އެ މެޖިސްޓްރޭޓުގެ އިއުތިރާފުން އެކަން ސާބިތުވާކަަމަށް ވެސް ޖޭއެސްސީން ބުންޏެވެ.
މެޖިސްޓްރޭޓް މަަސައްކަތްކޮށްފައިވަނީ އެ ޚަސްމު އެ ވަގުތު ހުރި ނާޒުކު ޙާލަތުގެ ނާޖާއިޒު ފައިދާ ނެގުމުގެ ގޮތުންކަން ސާބިތުވާކަމަށް ވެސް ޖޭއެސްސީން މިއަދު ބުންޏެވެ.
އިސްމެޖިސްޓްރޭޓް ޢަލީ އާދަމްގެ މި ޢަމަލު ތަކަކީ ދިވެހިރާއްޖޭގެ ފަނޑިޔާރުންގެ ޤާނޫނުގެ 32 ވަނަ މާއްދާގެ (ހ)ގެ 5 ވަނަ ނަންބަރާއި، 6 ވަނަ ނަންބަރާއި، 9 ވަނަ ނަންބަރާއި ފަނޑިޔާރުންގެ ސުލޫކީ މިންގަނޑުގެ 1.8 ވަނަ މާއްދާއާއި، 2.2 ވަނަ މާއްދާއާއި، 2.3 ވަނަ މާއްދާއާއި، 3.1 ވަނަ މާއްދާއާއި، 4.2 ވަނަ މާއްދާއާއި ޚިލާފު ޢަމަލުތަކެއްކަން ސާބިތުވާކަމަށް ވެސް ޖޭއެސްސީން ބުންޏެވެ.
ފަނޑިޔާރު ކަމުން އޭނާ ވަކިކުރުމަށް ރައްޔިތުންގެ މަޖިލިހަށް ހުށަހެޅުމަށް މިއަދު ބޭއްވުނު ކޮމިޝަންގެ 48 ވަނަ ޖަލްސާގައި ނިންމާފައިވާކަމަށް ވެސް ޖޭއެސްސީން ބުންޏެވެ.
މިއަދު ޖޭއެސްސީން ވަނީ އޭނާ ދާއިމީކޮށް ސަސްޕެންޑުކުރަން ވެސް ނިންމާފައެވެ. މިހެންކަމުން މަޖިލީހުން އެނާ ވަކިކުރަން ދެންވެސް އެނާއަށް މަސައްކަތަށް ނުނިކުމެވޭނެއެވެ.
