ރައީސް ސޯލިހު މިހެންވިދާޅުވީ މިހާރު ކުރައްވަމުން ގެންދަވާ ކެންޕެއިން ދަތުރުފުޅުގައި ށ. ފުނަދުއަށް ވަޑައިގެން އެރަށުގައި ދެއްކެވި ވާހަކަފުޅުގައެވެ.
މިއަހަރު ރިޔާސީ އިންތިހާބުގައި ވާދަ ކުރައްވާނެކަން, އެމްއެންޕީ, ޖޭޕީ އަދި ޑިމޮކްރެޓްސް އިން ވަނީ އިއުލާންކޮށްފައެވެ.
ރައީސް ސޯލިހު އިތުރަށް ވިދާޅުވީ, ކުރީގެ ސަރުކާރުގައި ރައްޔިތުން 5 އަހަރު ތަޖުރިބާކޮށްފައިވާކަމަށާއި، އެ 5 އަހަރު ރައްޔިތުނާ ކުރިމަތިވި ދަތި އުދަނގުލާ ތަހަމަލު ކުރަންޖެހުނު ދަތި ހާލަތު އަބަދުވެސް ހަނދާނުގައި ބަހައްޓަން ވާނެކަމަށެވެ. ކުރިއަށް އޮތް ރިޔާސީ އިންތިހާބުގައި ރައްޔިތުން ނިންމަވާ ނިންމުން އެއީ ރާއްޖޭގެ މުސްތަގުބަލާއި ގުޅިފައިވާ ނިންމުމެއްކަން ވިސްނުމަށް ރައީސް ސޯލިހު ވަނީ އެދިވަޑައިގެންފައެވެ.
"ތަރައްގީއާއެކު ކުރިޔަށްދާނީތޯ, ނޫނީ އަނިޔާވެރިކަމުގެ ތެރެއަށް އެނބުރިދާނީތޯ" ރައީސް ސޯލިހު ވިދާޅުވިއެވެ.
