ޝެހޭ ސީއެންއެމް އަށް ދިން އިންޓަވިއުއެއްގައި ވިދާޅުވެފައި ވަނީ ސިޔާސީ ހަޔާތުގައި އެއީ ކަންބޮޑުވާ ކަމެއް ކަމަށާއި، އެއީ މުޅި އާއިލާ ބިރުވެރި ހާލަތަކަށް ދިޔަ ކަމެއް ކަމަށެވެ. އެކަމުގެ ސަބަބުން ސިޔާސީ ހަރަކާތްތަކާއި ދުރަށް ދާން ޖެހުނު ކަމަށްވެސް ޝެހޭ ވިދާޅުވިއެވެ.
ނަމަވެސް ސިޔާސީ ހަރަކާތަށް ފުރަތަމަ ވެސް ނުކުމެވުމާއިއެކު އައި ކޮމެންޓްތަކަކީ، ފަސޭފަ ކޮމެންޓްތަކެއްނޫން ކަމަށްވެސް ޝެހޭ ބުންޏެވެ. އެ ކޮމެންޓްތަކުންވެސް ވިސްނީ ނެގެޓިވް ކޮމެންޓް ތަކާއިއެކު، ޕޮޒިޓިވް ކޮމެންޓްތަކާއި، ދިމާލުން ކުރިއަށް ދިއުން ކަމަށެވެ.
ޝެހޭ ވިދާޅުވީ ޕޮލިޓިކްސް އަކީ ގައުމަށް ބޭނުންވާ އެއްޗެއް ކަމަށާއި، އެކަމަށް ބޭނުންވަނީ ޒުވާނުން ހޭލުންތެރިކަން އިތުރު ކުރުން ކަމަށެވެ. ނަމަވެސް އަންހެނަކަށް އެ ދާއިރާގައި އުޅެވޭނީ ވަރަށް ގިނަ މީހުންގެ އެހީތެރި ކަމާއިވެސް އެކުގަކަމަށްވެސް ޝެހޭ ވިދާޅުވިއެވެ. އަދި ހާއްސަކޮށް އަންހެނަކު ކަމުގައިވާނަމަ އެދާއިރާގައި އުޅުމުގައި ޕާޓްނަރުގެ އެހީތެރިކަން ވެސް ވަރަށް ބޮޑަށް ބޭނުންވާނެ ކަމަށެވެ.
ޝެހޭގެ ފިރިމީހާގެ ހިތްވަރު ވަރަށް ބޮޑަށް މި ކަމުގައި ލިބޭ ކަމަށާއި، ކަންތައްތަކުގައި ކުރިއަށްދާންވާ ގޮތް ވަރަށް ބޮޑަށް ކިޔައިދޭ ކަމަށެވެ. ނަމަވެސް އާއިލާ އިން އެއްބާރުލުން ދިން ނަމަވެސް މުޖުތަމައުގެ އެއްބާރުލުން ނުލިބޭ ކަމަށް ޝެހޭ ވަނީ ތަކުރާރުކޮށް ވިދާޅުވެފައެވެ.
