ޕީޕީއެމް-ޕީއެންސީގެ ރިޔާސީ ކެންޑިޑޭޓަކީ ޑރ.މުހައްމަދު މުއިއްޒުއެވެ.
މުއިއްޒުގެ ރަނިންމޭޓަކީ ފަރެސްމާތޮޑާ ދާއިރާގެ މެމްބަރު ޙުސައިން މުހައްމަދު ލަތީފެވެ. އެ ދެ ބޭފުޅުންގެ ކެންޑިޑެސީ ފޯމު މިއަދު ވަނީ އިލެކްޝަންސް ކޮމިޝަން(އީސީ)އަށް ހުށަހަޅައިފައެވެ.
ރައީސް ވަހީދު ވަނީ މުއިއްޒުއާއި މެމްބަރު ހުސެއިންއަށް މަރުހަބާ ވިދާޅުވެ، ކާމިޔާބީއަށް ވެސް އެދިވަޑައިގަންނަވައިފައެވެ.
މުއިއްޒު ރިޔާސީ އިންތިހާބުގައި ވާދަކުރައްވަނީ އެ އިންތިހާބުގައި އިދިކޮޅު ޕީޕީއެމްގެ ރިޔާސީ ކެންޑިޑޭޓް ޔާމީނަށް ކުރިމަތިނުލެވޭނެ ކަމަށް ސުޕްރީމް ކޯޓުން ހުކުމް ކުރުމާއި ގުޅިގެންނެވެ.
މިހެންވެދާނެ ކަމަށް ބަލައިގެން މިމަހުގެ 3 ވަނަ ދުވަހު މުއިއްޒު ޕީޕިއެމް އިން ޕީއެންސީއަށް ސޮއި ކުރެއްވުމާއި އެކީ ވަނީ ސެނެޓް ބައްދަލުވުމެއް ބާއްވައި ޕީއެންސީގެ ފަރާތުން އިންތިހާބުގައި ވާދަ ކުރާނެ ކެނޑިޑޭޓަކު ހޮވާފައެވެ.
އެ އިންތިހާބުގައި ވާދަ ކުރައްވާފައިވަނީ މުއިއްޒުގެ އިތުރުން ރައްޔިތުންގެ މަޖިލިހުގެ މަޑުއްވަރީ ދާއިރާގެ މެމްބަރު އާދަމް ޝަރީފެވެ.
