ފަވާދު ހާން ވާނީ ވާނީ ކަޕޫރާއެކު "އަބިރު ގުލާލް" ނަމަކަށް ކިޔާ ރޮމެންޓިކް ޑްރާމާ ފިލްމެއްގައި މަސައްކަތް ކުރަން ފަށާފައެވެ. ފަވާދު ހާން އެންމެ ފަހުން ބޮލީވުޑުން ފެނިފައިވަނީ 2016 ވަނަ އަހަރު "އޭ ދިލް ހައި މުޝްކިލް" ފިލްމުގައެވެ.
އޭނާ އެނބުރި އަންނަ "އަބިރު ގުލާލް" ފިލްމުގެ ޓީޒާ ވާނީ ދާދި ފަހުން ދޫކޮށްފައެވެ. މި ޓީޒާގައި ފަވާދު ހާން ވަނީ "1942: އަ ލަވް ސްޓޯރީ" ފިލްމުގެ މަޝްހޫރު ލަވަ "ކުޗް ނަ ކަހޯ" ކިޔައިދީފައެވެ. މި ޓީޒާ ސޯޝަލް މީޑިއާގައި ވައިރަލްވެ، ފަވާދު ހާންގެ ގިނަ ފޭނުން ވަނީ ޝައުގުވެރިކަން ފާޅުކޮށްފައެވެ. ޓީޒާގައި ފަވާދު ހާންގެ ހާއްސަކަމާއި ފިލްމުގެ ރޮމޭންޓިކް މަންޒަރުތައް ފެންނަން ހުރުމުން ގިނަ ބަޔަކު ވަނީ ޝައުގުވެރިކަން ފާޅުކޮށްފައެވެ.
ފަވާދު ހާންގެ ބޮލީވުޑަށް އެނބުރި އައުމަކީ ވަރަށް މުހިންމު ކަމެކެވެ. އެއީ ސިޔާސީ ގުޅުންތަކުގެ ސަބަބުން ޕާކިސްތާނު ތަރިންނަށް އިންޑިއާގައި މަސައްކަތް ކުރުން މަނާކޮށްފައިވާތާ ގިނަ ދުވަސްތަކެއް ވުމަށްފަހު، އެ ބަންދު ނިމުމަކަށް ގެނައުމާއި ގުޅިގެން އަންނަ ބަދަލެކެވެ. ފަވާދު ހާން ކުރިން ބޮލީވުޑްގައި "ހޫބްސޫރަތް" އަދި "ކަޕޫރް އެންޑް ސަންސް" ފަދަ ފިލްމުތަކުގައި ފެނި، ބޮޑު މަގުބޫލުކަމެއް ހޯދާފައިވެއެވެ.
"އަބިރު ގުލާލް" ފިލްމު ރިލީޒްކުރާނެ ތާރީހެއް އަދި ހާމަކޮށްފައި ނުވިނަމަވެސް، ފިލްމުގެ ރިލީޒް ތާރީހް ކަނޑައަޅާފައިވާ ކަމަށް ފިލްމު އުފެއްދި ފަރާތްތަކުން ބުނެފައިވެއެވެ. މި ފިލްމަކީ 2025 ވަނަ އަހަރުގެ އެންމެ ބޮޑަށް ބަލާލުމަށް މީހުން އިންތިޒާރުކުރާ ފިލްމުތަކުގެ ތެރެއިން އެއް ފިލްމު ކަމަށް ބެލެވެއެވެ.
